El Salvador tashmë ka Bitcoin si monedhë zyrtare

Vizioni i Presidentit të El Salvadorit, Nayib Bukele, po bëhet i vërtetë dhe El Salvador është tani vendi i parë në botë në të cilin kriptomonedha Bitcoin bëhet monedha zyrtare e vendit. Projekt-ligji kaloi kuvendin me 62 nga 84 vota.

Qytetarët tani do të jenë në gjendje të përdorin Bitcoin për të paguar taksa, për të blerë mallra dhe për të paguar për shërbimet. Ky veprim pritet të ndihmojë disa zona që nuk kanë qasje në sistemin bankar, por veçanërisht popullsinë e mërguar që u dërgon para para familjeve të tyre në vend.

Pra Bitcoin do të bëhet monedha zyrtare e El Salvadorit në tre muajt e ardhshëm, por nuk do të jetë e vetmja, pasi vendi do të vazhdojë të ketë dollarin amerikan. Sidoqoftë, Bukele dëshiron që njerëzit e vendit të mendojnë për para vetëm në terma të Bitcoin dhe jo dollarë. Qytetarët do të jenë në gjendje të konvertojnë vlerën e dy monedhave në çdo kohë, ndërsa dollarët do të përdoren si një “monedhë referimi” në kontabilitet.

Bukele dëshiron ta vendosë El Salvadorin në hartën e minierave të kriptomonedhave dhe për këtë qëllim ai ka urdhëruar kompaninë shtetërore të energjisë elektrike të shfrytëzojë energjinë e pastër gjeotermale të vendit për të gjeneruar energji elektrike të lirë për mining.