Ekipet e futbollit po përdorin FIFA për të luajtur ndeshjet e shtyra nga Coronavirus

Football Manager po ashtu

Ndërsa kërcënimi i Coronavirus vazhdon të ndikojë në evente të mëdha në të gjithë globin, videolojërat mbeten po aq të sigurta dhe argëtuese si kurrë më parë, dhe ekipet e vërteta sportive po e përdorin këtë avantazh të tyre në favorin e tyre.

Me çdo ligë kryesore të futbollit anglez që tashmë eështë pezulluar deri më 3 prill, skuadrat lart e poshtë vendit kanë përdorur video lojëra për të simuluar ndeshjet që do të zhvilloheshin. Skuadra e Premier League, Watford, e cila duhet të kishte luajtur Leicester City-in e fuqishëm gjatë fundjavës (nuk jemi të njëanshëm, ju premtojmë, Fatjoni është me Chelsea psh.), bëri një ndeshje të plotë Football Manager, për fansat që të shihnin online. Ndeshja përfundoi me një barazim 1-1, dhe ka arritur më shumë se 700,000 shikime.

Duke u kaluar në Chmapionship, Leeds United i çoi gjërat një hap më tej. Një ndeshje e plotë e FIFA 20 u përdor për të parë se si skuadra mund të performonin në ndeshjen e tyre të shtyrë kundër Cardiff, me tifozët që reaguan në kohë reale në Facebook. Llogaria e Leeds United Twitter madje ka postuar highlights-at në kohë reale, ashtu si do të ndodhte gjatë një loje të vërtetë.

Southampton u fut në veprim gjithashtu, duke organizuar një tjetër ndeshje FIFA 20 për të luajtur kundër Norwich; nga ana tjetër Gillingham arriti të merrte një fitore poshtëruese 16-0 në ndeshjen e tyre të shtyrë. Megjithatë, ne nuk jemi aq të sigurt se loja e vërtetë do të përfundonte me të njëjtin rezultat.

Sigurisht, nuk janë vetëm skuadrat e futbollit që kanë luajtur gjithnjë e më shumë lojëra ndërsa janë duke u vetë-karantinuar në shtëpi. Steam raportohet se kapi 20 milion përdorues të njëkohsishëm gjatë fundjavës.