Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mbase ka ardhur koha të pushojmë pak dhe të luajmë
Një prej platformave më popullore të gaming në PC, Steam, ka thyer rekordin e saj për sa i përket përdoruesëve online. Platforma arriti maksimalisht mbi 20 milionë përdorues online.
Sipas statistikave të Steam, platforma arriti sot një rekord prej 20,313,073 përdoruesish maksimal online. Rekordi i mëparshëm u vendos muajin e kaluar, kur rreth 18 milionë lojtarë ishin online në të njëjtën kohë. Kjo rritje gjithashtu është parë edhe në lojëra specifike si CS:GO dhe Dota 2.
Loja FPS e Valve arriti mbi një milionë lojtarë ditën e djeshme, ndërkohë që Dota 2 ka momentalisht mbi 700,000 lojtarë. PUBG gjithashtu po ecën me ritme mjaft të mira, duke arritur ditën e djeshme 525,000 lojtarë.
Kjo rritje në përdoruesit e Steam ka me shumë mundësi lidhje me shqetësimin rreth COVID-19. Sëmundja u deklarua zyrtarisht një pandemi nga Organizata Botërore e Shëndetësisë dhe ka prekur një pjesë të madhe të vendeve në botë.
Për shkak të shqetësimit rreth transmetimit të sëmundjes në ambjente publike, shumë njerëz kanë vendosur të qëndrojnë në shtëpi dhe të luajnë videolojëra, gjë e cila ka shumë sens duke parë se shumë evente janë anulluar, përfshirë këtu edhe turnamente esports.
