Edhe Fortnite është e emocionuar për Avengers: Endgame

Një tjetër event i Avengers është duke ardhur në lojë

Vitin e shkuar me rastin e Avengers: Infinity War, në Fortnite patëm një LTM me Thanos. Sigurisht që as këtë vit nuk mund të mungonte prezenca e Marvel dhe sipas Epic me datë 25 prill do të zbulojmë ekzaktësisht se çfarë është planifikuar për këtë rast.

Kompania ka postuar në Twitter një personazh të Fortnite që mban në dorë mburojën e Captain America. Imazhi duket mjaft premtues, ndaj besojmë se Epic do të sjellë dika më të bukur se vitin e shkuar.

Mburoja e kapitenit të foto mund të nënkuptojë shumë gjëra. Mund të kemi ardhjen e cosmetics të frymëzuara nga Marvel në lojë, mund të të kemi një game mode ku mburoja mund të shërbejë si një lloj arme.

Një tjetër postim i Epic në Twitter përfshin sëpatën magjike të Thor. Nëse keni parë Avengers: Infinity War duhet të jeni të njohur me historinë e kësaj të fundit. Në këtë pikë jemi të bindur që miksimi i Avengers do të vijë në trajtën e një LTM, që do i lejojë lojtarët të përdorin paisje si mburoja e kapitenit ose sëpata e Thorit.

Do të na duhet të presim deri në 25 prill për ta zbuluar më mirë se çdo të bëhet. Avengers: Endgame do ta ketë premierën në 26 prill. Në Hollywood, eventi i premierës është mbajtur dhe personat prezent kanë lënë përshtypjet e tyre. Klikoni linkun këtu për ti lexuar.