fbpx
Lajm i Fundit

FIFA 19 na prezanton me ‘active touch system’

Duke marrë në konsideratë të gjitha ‘preview’ e  FIFA 19, duket se të gjitha kanë një pikë takimi: EA Sports i ka çuar me të vërtetë animacionet e lojës në një nivel tjetër. Me të vërtetë, të gjithë ata që kanë luajtur ndonjë pjesëz të lojës së shumëpritur, vlerësojnë mënyrën se si lojtarët lëvizin dhe animojnë, ku përshtypja kryesore është që janë përmirësuar në mënyrë dramatike. Shpresojmë se kjo do të thotë që ne nuk do t’i kemi më ato animacione të lehta dhe të çuditshme herë pas here gjatë një ndeshjeje.

Edhe pse, ne mendojmë se FIFA gjithmonë ka bërë mirë nga ana e animacionit, por gjithsesi ka hapësirë ​​për përmirësim. Eurogamer raporton se “fansat e FIFA-s patjetër do të vënë re [animacionet e reja], të cilat ju lejojnë të bëni gjëra që kurrë më parë nuk keni qenë në gjendje të bëni.”

Artikulli vazhdon: “FIFA 19 ka animacione të reja për gjithçka. Ka animacione të reja për pasime dhe goditje, animacione të reja për të dribluar, bërë sparkata dhe madje rrofeshata”.

“Kontrollimi i topit është ndoshta zona që përfiton nga animacionet më të reja. Ju mund të kontrolloni një top që është prapa jush ose në anët e fushave. Zona në të cilat lojtarët e kishin të vështirë të kontrollonin topin në versionet aktuale dhe të mëparshme të FIFA-s,” shpjegon Eurogamer.

Fansat e FIFA-s e dinë që tani që çdo lojë e re zakonisht krenohet me një sërë ‘update’-esh të gameplay, disa prej tyre shumë të dukshme, të tjerat jo dhe aq. Por fakti që këto animacione të reja i kanë bërë njerëzit të flasnin, është një shenjë e mirë. Shpresojmë që këto animacione të jenë mjaftueshëm për ta çuar një hap më tej FIFA-n.