EA konfirmon se Star Wars: Squadrons do të zbulohet javën e ardhshme

EA ka konfirmuar se leak-u i Xbox është i vërtetë.

Electronic Arts ka konfirmuar se Star Wars: Squadrons, një lojë që u bë leak dje, do të zbulohet zyrtarisht në 15 qershor.

Star Wars: Squadrons u zbulua gabimisht, pasi një imazh “Pilots wanted” bashkë me një link jo funksional për pre-order, u shfaqën shkurtimisht në faqen e parë të Xbox.com. Kjo u hoq pas pak kohe, por jo pa ju dhënë mundësi me dhjetëra njerëzve që t’i bënin share.

EA ende nuk ka ndarë akoma detaje për lojën, por duket se do të jetë e lidhur me combat hapësinor. Imazhi tregon një pilot Rebel dhe Imperial në përgatitje për një faceoff, ndërkohë që luftëtarë të tjerë nga të dyja anët po qëndrojnë në pozicion goditjeje në sfond.

Ka mundësi që kjo të jetë loja finale për Project Maverick, një lojë Star Wars e panjoftuar që u bë leak në Mars nga PSN Releases Twitter bot. Posteri që doli atëherë nuk ishte kaq i detajuar, por sërish tregonte një skuadër me X-Wings që ishin duke u ndjekur nga Star Destroyer përmes një fushe asteroidësh. Një Star Destroyer mund të spikatet edhe në imazhin që EA postoi në Twitter.

Do të kemi një përfytyrim më të qartë të asaj që po ndodh javën e ardhshme kur traileri The Star Wars: Squadrons të vijë live në datë 15 qershor.