Drejtori i God of War reagon ndaj kërcënimeve me vdekje të bëra kundër TLOU2

Përpara se të lançohej, drejtori i The Last of Us 2, Neil Druckmann, tha se loja do të ishte kontradiktore dhe se disa nuk do e pëlqenin. Është e qartë se kjo frazë mund të jetë ekzagjeruar pak, pasi teksa TLOU 2 është duke patur vlerësime të shkëlqyera nga kritika, e kundërta po ndodh nga departamenti i fansave.

Kohët e fundit fansat kanë gjetur review bombing dhe jo vetëm, si një mënyrë për të ngritur zërin e tyre. Disa prej tyre kanë bërë kërcënime dhe ngacmime, të drejtuara kryesisht te Druckmann dhe Laira Bailey, aktorja që luan Abby. Tani edhe drejtori i God of War është futur për të dhënë mendimin e tij.

Për ata që nuk janë në dijeni të situatës, shumë fansa e kthyen inatin e tyre te Druckmann dhe Bailey specifikisht. Bailey, roli i vetëm i të cilës është të aktrojë zërin e Abby, ka raportuar që ka marrë kërcënime me vdekje, ndërkohë që Druckmann gjithashtu ka thënë se ka marrë disa mesazhe mjaft shqetësuese.

Në postimin në Twitter që Druckman kishte bërë, kur tregonte këto mesazhe, Cory Barlog komentoi: “F*ck these people, man. Even when I have zero f*cks left to give, f*ck them.” 

Asnjë nga përgjigjet që ju kthyen Barlog nuk ishte specifikisht shumë groteske, por shumë njerëz shprehën frikën e tyre se mos vdiste Kratos. Disa madje shkuan aq larg sa ta krahasonin vdekjen e tij me atë të Joel dhe të tjerë këmbëngulën se nuk ishte fakti që Joel vdiq, por mënyra se si ai vdiq. Gjithsesi, atë që kanë luajtur God of War e dinë se ka një profeci që tregon Kratos duke vdekur në duart e Atreus.

Në fund të ditës, se si do të jetë God of War-i i ardhshëm mbetet të shohim. Siç shumë veta në industri bien dakord, pavarësisht pakënaqësive që disa fansa mund të kenë me The Last of Us 2, kjo nuk është mënyra e duhur për t’i shprehur ato.