Drejtori i God of War dëshiron që loja të kthehet në një serial

Si do t’ju dukej një serial për God of War?

Imagjinoni se sa fantastike do të ishte sikur të shihnim Kratos dhe Atreus në një serial të plotë për ta në Netflix.

Kur GamesIndustry pyeti fansat në Twitter se cilën lojë do të donin të shihnin të kthehej në një serial, drejtori i God of War Cory Balrog dha mendimin e tij entuziast mbi temën.

Barlog më pas shpjegoi se kjo nuk ishte një shenjë se God of War do të kthehej në një serial në Netflix, por thjesht një shprehje e besimit të tij se disa lojëra do të ishin fantastike sikur të ktheheshin në seriale pasi fansat kalojnë një kohë të gjatë me personazhe në botë spektakolare.

Në fakt, ky pohim i Barlog është provuar disa herë i vërtetë, me lojëra si Castlevania, Cuphead, Hyper Light Drifter dhe The Witcher (edhe pse ky i fundit është teknikisht një adaptim nga librat, por Henry Cavill tha se u inspirua nga lojërat për performancën e tij).

Nëse Netflix do të merrte lojën e vitit 2018 dhe do ta shndërronte atë në një serial, padyshim që gamers do të lumturoheshin pa masë. Megjithatë, për tani ende do të na duhet të presim.