Dr Disrespect flet për ban-in e Twitch

Dr Disrespect ishte një nga streamerat më të njohur në Twitch, përpara se të bëhej ban përgjithmonë nga platforma në fund të qershorit. Guy Beahm, njeriu pas Dr Disrespect ka thënë se nuk është në dijeni të arsyes pas këtij ban-i dhe se Twitch nuk i ka komunikuar asgjë. Në një intervistë të bërë muajin e shkuar, ai tha se ishte i shokuar nga veprimet e Twitch.

Gjatë rikthimit të tij në YouTube sot, Beahm tha sërish se nuk e dinte arsyen përse ishte bërë ban në Twitch. E gjitha kjo teksa ishte në personazhin e Dr Disrespect. Ironikisht ai dukej më i drejtpërdrejtë kur po fliste në personazh:

“Përsa jam unë i shqetësuar, nuk bëmë asgjë për të marrë një ban, lere pastaj për mënyrën se si na bënë ban,” tha ai. “Asnjë lloj komunikimi më parë. Asgjë. Boom.”

“Ka njerëz në komunitet që thjesht janë në ankth të një përgjigjeje dhe kjo gjë thjesht krijon një farë spekulimi të panevojshëm,” tha Dr Disrespect. “Kjo përqasje është shumë e ulët. Gjëja e fundit që kam për të thënë, dhe më duhet të tregohem inteligjent për të gjithë këtë… ka shumë para të përfshira në këtë mes, ndaj le të merren ekspertët ligjorë. Le të bëjnë çfarë është për të bërë. Kaq. Pikë. Ndërgjegjia ime? Ndjehem kaq mirë.”

Pavarësisht faktit që Dr Disrespect thotë se nuk di asgjë për arsyen e këtij ban-i, disa thonë se e dinë arsyen pas tij. Ndër këta njerëz është edhe Rod “Slasher” Breslau, që ka refuzuar të flasë për shkak të sensitivitetit rreth temës.

Ky ban erdhi afërsisht në të njejtën periudhë që Twitch po spastronte streamerat që ishin akuzuar për abuzim seksual, por nuk ka asnjë lloj prove që e lidh Beahm me aktivitete të tilla. Gjithsesi, periudha kur u bë ban-i dhe fakti që Slasher refuzoi të flasë, i hodhën edhe më shumë benzinë zjarrit.

Për momentin, arsyeja e ban-it në Twitch mbetet një mister, por dihet që është një ban i përhershëm. Dr Disrespect tashmë mund të bëjë stream në YouTube, Facebook ose vetë website-in e tij. Mbetet të shohim.