Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Dota 2 ka kaluar disa muaj të vështirë. Që vitin e shkuar, MOBA ka pësuar rënie të vazhdueshme të lojtarëve, por duket se kjo gjë do të ndryshojë së shpejti. Në 30 ditët e fundit, Dota 2 ka patur një mesatare prej 410,000 lojtarësh online, duke i risjellë numrat në nivelin e statistikave të nëntorit të 2019s.
Loja, e cila ka kaluar disa patch-e të konsiderueshme që fundin e vitit të kaluar, me shumë gjasa po kalon një rritje të numrit të lojtarëve për shkak të situatës së krijuar nga coronavirus dhe karantinimit të gjithë botës. Krahas kësaj, Valve ka rregulluar edhe shumë probleme të matchmaking përgjatë javëve të fundit, si edhe një numër të madh ndryshimesh të bërë në Dota Pro Circuit.
Statistikat nga Steam Charts sugjerojnë se Dota 2 ka humbur lojtarë në mënyrë të vazhdueshme që nga shtatori i 2019s, që e la lojën me një mesatare lojtarësh prej 421,971 dhe një maksimaleje prej 753,996. Dota 2 tani ka kapur 700,000 për herë të parë prej tre muajsh.
Sigurisht që Dota 2 nuk është e vetmja lojë që po shikon një rritje lojtarësh. CS:GO së fundmi kapi një maksimale prej një milionë lojtarësh dhe edhe Steam theu rekordin për numrin maksimal të përdoruesve.
