Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kini kujdes me files që shkarkoni në Discord
Në vetëm pesë vite, popullariteti i Discord me gamers është rritur shumë. Platforma ka tani mbi 250 milionë përdorues dhe çdo ditë janë aktiv mbi 15 milionë, gjë që e ka bërë Discord një shënjestër të mirë për hackers.
Një rrezik që ka ekzistuar prej shumë kohësh në Discord është AnarchyGrabber, një trojan i cili mund të marrë të dhënat dhe authentication tokens të përdoruesit. MalwareHunterTeam zbuluan një version të ri të AnarchyGrabber këtë javë. Ky version vjedh passwords të enkriptuara dhe ja dërgon personit që e ka nisur këtë virus. Ai gjithashtu shpërndahet edhe tek miqtë e përdoruesit në Discord.
Ky malware gjithashtu arrin të fshihet mirë. AnarchyGrabber funksionon duke modifikuar kodin JavaScript që client-i i Discord përdor kur hapet. Pasi ky kod modifikohet, malware-i thuajse zhduket. Për ta përkeqësuar situatën, krijuesit e kanë bërë kodin e AnarchyGrabber open source dhe është e lehtë të gjesh video online që të tregojnë se si ta përdoresh, duke e bërë këtë malware të aksesueshëm dhe nga përdorues pa shumë eksperiencë.
Rreziku që vjen nga ky virus është fakti që shumë përdorues përdorin të njëjtin password si në Discord, ashtu edhe në llogari të tjera. Nëse ekspozoheni ndaj këtij trojani, ju rrezikoni edhe llogaritë tuaja të tjera. Nëse mendoni se jeni prekur nga ky virus, duhet të çinstaloni dhe të instaloni Discord-in tuaj nga faqja zyrtare. Ndërkohë, nëse po kërkoni një vend ku të qëndroni të sigurt dhe të flisni me lojtarë të tjerë shqiptarë, mos hezitoni t’i bashkoheni Discord-it të GameON Albania.
