Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Më në fund kazinoja e GTA 5 do të hapet
Për shumë vite, lojtarët GTA 5 kanë pyetur veten se kur do të hapet më në fund kazinoja e Vinewood në Los Santos. Tashmë këtë gjë e dimë: ajo do të hapet javën e ardhshme, pasi Rockstar ka zbuluar zyrtarisht se Diamond Casino & Resort do të hapë dyert e saj në 23 korrik në GTA Online. Më poshtë mund të ndiqni trailer-in për update-in e kazinosë. Gjithashtu, a nuk duket sikur Brucie Kibbutz nga GTA 4 është në këtë teaser?
Duke përdorur Chips, gjë që duket se do të jetë monedha e përdorur në kazino në ndryshim nga paratë e GTA, mund të luani poker me 3 letra, Blackjack, ruleta dhe lojëra të tjera kazinoje. Gjithashtu, do të ketë dhe gara me kuaj si dhe apartamente luksoze. Pra, për të gjithë ata që i ka marrë malli për pesë shtatat, ja ku është mundësia juaj.
Kazinoja gjithashtu ka dhe një faqe zyrtare, e cila përmend dy lloje abonimesh: standart dhe VIP. Me anë të këtij të fundit të jepet mundësia të blesh një apartament luksoz në rezort.
Ka gjithashtu dhe një element të quajtur Lucky Wheel, i cili duket se të jep mundësinë të fitosh çmime të ndryshme. “Rrotulloni Lucky Wheel në holl për chips, para rroba ose dhe për supermakinën Truffade Thrax që mund të gjendet në podium gjatë javës së parë. Gjithashtu, kontrolloni çdo javë për të parë se cilën makinë të shpejtë mund të fitoni“, – shkruan Rockstar.
Apartamentet duket se janë zemra e këtij update-i. Ato të japin automatikisht statusin VIP të antarësimit atij që i blen dhe duken si një lloj i ri pronash me vlerë të lartë. Brenda tyre mund të gjesh dhoma për spa, dhoma gjumi ekstra si dhe bare private për pronarët. Një dyqan brenda kazinosë do t’ju japë mundësinë ta arredoni vendin me art, duke filluar nga portretet në pop art dhe deri tek skulpturat moderne.
Apartamentet gjithashtu zbulojnë dhe disa misione të reja co-op, ku do të punoni me pronarin e kazinosë Tao Cheng për të ruajtur vendin nga teksanët e pasur e të rrezikshëm. Pasi të mbaroni misionet do të hapet për ju një automjet i ri, edhe pse Rockstar ende nuk e ka zbuluar se çfarë është.
Ka kohë që hidhen shenja drejt hapjes së kazinosë, pas punimeve të shumëta rredh ambientit të jashtëm të saj në qershor dhe pas zbulimit të emrit dhe rezortit zyrtarisht më vonë gjatë atij muaji. Ky është update i parë i lojës që prej Arena War në fund të dhjetorit. Më në fund, pas 6 vitesh, spekulimeve të kazinosë ju ka ardhur fundi.
