Historia e Cyberpunk 2077 është më e shkurtër pasi shumë njerëz nuk e mbaruan The Witcher 3

Cyberpunk 2077 do të ketë një histori më të shkurtër se ajo e The Witcher 3, loja e fundit kjo e zhvilluesit CD Projekt Red. Një nga dizajnerat e Cyberpunk 2077 shpjegoi se zhvilluesi kishte marrë ankesa të shumta për gjatësine e The Witcher 3 dhe se duke parë statistikat, shumë lojtarë nuk e kishin çuar deri në fund.

“Historia kryesore që zhvillohet në Cyberpunk 2077 është relativisht më e shkurtër se The Witcher 3,” tha senior quest designer Patrick Mills gjatë një paneli me streamerin CohhCarnage. “Morëm shumë ankesa se historia kryesore e Witcher 3 ishte shumë e gjatë dhe duke parë statistikat, shumë njerëz e kishin çuar larg lojën, por jo deri në fund.”

Sipas How Long to Beat, që mbledh informacione mbi plotësimin e lojërave, nëse luan vetëm historinë kryesore të Witcher 3 me nxitim dhe injoron ç’do gjë tjetër, të duhet rreth 32 orë e gjysmë. Ndërkohë një mënyrë të luajturi pak më e detajuar, që përfshin historinë kryesore dhe hapa shtesë do deri në 291 orë.

Gjithsesi, në këtë rast më e shkurtër nuk do të thotë më e thjeshtë. Kemi zbuluar se CD Projekt Red ka një sistem më të thellë të role-playing se ai në The Witcher 3 dhe se pas lançimit, kompania ka në plan të sjellë më shumë DLC se sa The Witcher 3.

Pas disa vonesave, Cyberpunk 2077 është lënë të lançohet për në datë 19 nëntor të 2020s.