Closed beta e Valorant arrin 1.6 milionë shikues në Twitch

Kjo është shumë afër rekordit.

Closed beta e Valorant filloi në 7 prill dhe jo për tu cuditur, por kishte një interes masiv në të. Rreth 1.6 milionë e panë në Twitch, kjo shumë afër rekordit prej 1.7 milionë shikues njëheresh që vuri Fortnite në eventin e Black Hole në fundin e Season 10.

Një faktor kyç pas këtij sukses mund të jetë fakti që Riot është duke i përzgjedhur njerëzit që marrin closed beta keys, në vend që ti shpërndajë ato në mënyrë rastësore. Ato do ju jepen njerëzve që janë duke i parë këto streame dhe sigurisht që kush nuk do ta provojë closed beta. Kjo bën që të gjithë që kanë interes për të të jenë përpara ekranit të streamerave, duke rritur numrin e shikimeve.

Duke marrë këtë faktor parasysh do të jetë interesante të shohim se si do të qëndrojnë këto shikueshmëri pasi keys për closed beta të jenë më të përhapura. Loja tjetër e Riot, League of Legends vazhdon të mbetet një sukses i madh dhe vendimi i studios për të bërë diçka ndryshe pas kaq shumë vitesh padyshim që do të tërheqë shumë vëmendjen e gaming.

Mund të duhet edhe pak kohë përpara se Riot të fillojë ta hapë closed beta në një shkallë më të madhe. Disa nga testuesit e betës si duket kishin pak problem të hynin në lojë. Riot tha se ishte duke punuar me një zgjidhje për këtë.