Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në 2016n, kishte disa trazira të shkaktuara nga Rockstar Games, kur kompania aplikoi për një trademark të quajtur “Judas”. Si një emër i paasociuar kurrë me Rockstar Games, Judas menjëherë ngriti shumë spekulime se çfarë referonte si emër ose si emër i koduar. Tani në 2020, kompania mëmë e Rockstar e ka rinovuar sërish këtë trademark, por cili është kuptimi i saj:
JUDAS TRADEMARK
Siç e përmendëm edhe më sipër regjistrimi i këtij trademark-u nga Rockstar është në fakt lajm i vjetër. Fakti që ky trademark është rinovuar në 2020n ka ndezur një shkëndijë në të gjitha teoritë, një reagim ky mëse i kuptueshëm. Take-Two dhe Rockstar Games kanë treguar në të shkuarën me Agent se trademarks janë të rëndësishme për të dhe se mund të reflektojnë stadin e zhvillimit të një loje.
NJË IP MESJETARE NGA ANA E ROCKSTAR
Diçka që menjëherë të vjen në medje, sidomos nga referencat biblike është loja mesjetare që u përfol të ishte në zhvillim nga Rockstar vitin e shkuar. Në Nëntor të 2019s një thashethem filloi të qarkullonte në Reddit për një IP të re mesjetare, që mendohej të ishte projekti i ardhshëm i Rockstar pas Red Dead Redemption 2. Kjo lojë mendohej të ishte një aventurë open-world që do të fokusonte në duelet dhe luftimet me shpata si mekanika e saj kryesore. Duke marrë parasysh se fjala Judas zakonisht i referohet një lloj tradhëtari dhe duke hamendësuar që projekti është i vërtetë, mund të jetë një histori hakmarrjeje për ndonjë kalorës.
JUDAS MUND TË KETË ARDHUR NGA AGENT
Një tjetër opsion i largët është që Judas mund të jetë vazhdimi i projektit të anulluar Agent. Duke marrë parasysh kohën ndërmjet trademark-ut të Agent dhe zbulimit të trademark-ut të Judas, që u bë rreth dy vite më vonë. Shumë kanë hamendësuar që Agent thjesht u anullua dhe u la pas dore, prej suksesit të madh të projekteve si GTA dhe Red Dead Redemption.
Ekziston edhe mundësia që Judas të jetë një mbledhje e pjesëve kyçe që ishin dikur pjesë e projektit të Agent. Kjo është e gjitha një teori, pa asnjë provë, por që qëndron deri diku.
NJË EMËR I KODUAR
Ka shumë gjasa pastajqë Judas të jetë një emër i koduar për një projekt tjetër të Rockstar. Shumë lojëra që janë në zhvillim e sipër përdorin emra të koduara që të ruajnë fshehtësinë dhe të mos zbulohen me leaks. Duke qenë se Rockstar është kaq e fshehtë si kompani nuk ka asnjë mënyrë që ta dimë me siguri. Mbetet të presim dhe të shohim se çfarë do të rezultojë të jetë Judas.
