Çfarë ndodh kur PS5 mbinxehet?

PlayStation 5 ka një veçori specifike që përpiqet të parandalojë mbinxehjen dhe dëmet e mëtejshme që mund t’i bëhen hardware-it rrjedhimisht prej kësaj. Zgjidhja është përmes një mesazhi që i thotë lojtarit të stop-ojë së luajturi.

Në fakt freskuesja që është brenda PS5 është gjigande krahasuar me përmasat standarte të industrisë. Mekaniku i konsolës, Yasuhiro Otori zbuloi se fillimisht dy freskuese ishin planifikuar. Gjithsesi, të kontrollosh dy freskuese është më komplekse se të kontrollosh vetëm një, ndaj Sony zgjodhi që të sillte një të madhe që do reagojë ndaj lojës që po luhet në konsolë.

Pra me gjithë këtë sistem që ka menduar kompania, është interesante të shohësh se si konsola do të kalojë në metodat e tjera analoge për të tërhequr vëmendjen e lojtarit nëse paisja mbinxehet. Lind pyetja, pse duhet ky mesazh nëse vetë freskuesja është kaq revolucionare.

Nëse jeni ulur diku larg konsolës, si në divan ose në dysheme, mund të mos e ndjehni nxehtësinë që del nga PS5. Përtej kësaj është e mundur që të mos e dalloni kur ajo nxehet shumë për shkak të paneleve dhe mekanizmave efektivë të ftohjes.

Për këtë arsye vetë PS5 ju njofton nëse gjëndja është alarmante dhe duhet ta lini konsolën të marrë pak frymë.