Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Farming Simulator kthehet në një lojë kompetitive me një prize pool prej €250,000!
Ligat profesionale të e-sport tashmë duken fare normale, me lojëra si CS:GO, League of Legends, Call of Duty, PUBG e plot të tjera të cilat tashmë kanë një “Pro League”. Por, në dukje në mënyrë fare rastësore e të papritur, listës i shtohet Farming Simulator! GIANTS Software, zhvilluesit e lojës, lajmëruan nëpërmjet një postimi në faqen e tyre se gjatë 2019 do të fillonte Farming Simulator League, gjë e cila u provua edhe gjatë 2017 e 2018, por duket se vetëm tani do të zyrtarizohet. Duket se për këtë ndryshim do të sakrifikohet Farming Simulator Championship, i cili do të shndërrohet në “një ligë të plotë e-sports, me 10 kampionate në të gjithë Europën”.
Në fund të sezonit, një prej ekipeve pjesëmarrëse do të kurorëzohet duke u shpallur Farming Simulator Champion e do të fitojë plot €100,000 në eventin që do të zhvillohet në FarmCon 2020. Prize pool total përgjatë 10 eventeve të planifikuara nga GIANTS Software do të arrijë në plot €250,000. Siç duket, liga ka arritur të tërheqë disa sponsora mjaft të mëdhenj, ndërmjet tyre Intel e Logitech.
Christian Ammann, CEO i GIANTS Software dhe menaxher i e-sports për lojën, shpjegoi se zhvilluesit duan të tregojnë se punët e fermës mund të jenë sa argëtuese, aq edhe kompetitive. “Punët e fermës në një ambjent kompetitiv janë shijuar nga njerëzit për disa vite tanimë, por kurrë nuk janë kthyer në një e-sport të mirëfilltë. Ne kemi një numër të madh fansash të e-sports të cilët mezi presin t’i tregojnë botës se ajo çfarë ndodh në fermë mundet që të jetë argëtuese dhe kompetitive në të njëjtën kohë“.
Padyshim që lind pyetja, si dreqin mund të zhvillohen punët e fermës në një ambjent kompetitiv?! Mesa duket, në Farming Simulator 19, ndeshjet do të zhvillohen në ekipe 3v3. Edhe pse GIANTS ende nuk i ka bërë të ditura të gjithë detajet, zhvilluesi shpjegon se “ekipet do të përballen me njëri-tjetrin për të vendosur se cili do të jetë më i miri në ara.
“Vetë loja do të qëndrojë besnike ndaj rrënjëve të saj dhe do të kombinojë punët e zakonshme në ara si mbledhja e të korrurave me elementë argëtues e sfidues të lojës“.
Siç duket, liga nuk do të jetë më e bazuar në grumbullimin e bërjen mullar të kashtës, siç kishte ndodhur më parë gjatë eventeve kompetitive, të cilët arritën të mblidhnin një numër të madh spektatorësh, siç shihet dhe më poshtë.
Seria Farming Simulator është mjaft popullore midis lojtarëve rastësore të cilët e luajnë këtë lojë. Farming Simulator 2019, loja më e re e kësaj serie, arriti të shesë plot 1 milion kopje gjatë 10 ditëve të para.
Nëse rritja dhe lulëzimi i këtij e-sporti vazhdon, duke mbajtur pranë vetes fansat e saj, ku i dihet, mbase punët e fermës mund të kthehen në trendin më të ri në botën e e-sports!
