Çdo skenë në Cyberpunk 2077 do të jetë tërësisht first person

Përfshirë këtu skenat e seksit

Tashmë që lojërat The Witcher na kanë dhënë mundësinë të shohim Geralt nga larg, kur ai ishte duke kalëruar ose duke u qetësuar në vaskë, shumë ishin të surprizuar nga perspektiva first-person e Cyberpunk 2077. Pamjet e hershme të lojës tregonin disa skena që në fakt ishin third-person, ku dukeshin disa versione të xhaketës së personalizuar të V. Mesa duket, kjo gjë ka ndryshuar.

Pasi një intervistë në gjermanisht u publikua në forumet e CD Projekt Red, një përdorues vendosi të pyeste në mënyrë direkte në Twitter-in zyrtar të Cyberpunk 2077 nëse çdo skenë e lojës do të ishte first person. “Në Cyberpunk 2077, përfshirja e lojtarit është shumë e rëndësishme për ne,” – thoshte përgjigja. “Pra po, çdo skenë është fpp.”

“Po për sa i përket skenave të seksit?” – pyeti fansi këmbëngulës. “Njësoj.“

Në skenat që janë zbuluar deri më tani nga loja, kemi parë opsione third person vetëm kur i jep makinës, si dhe në momentet kur V përdor një kamera sigurie, shikimin e tij kibernetik dhe pasqyrat, por duket se nuk do të kemi mundësi të shohim se si personazhi jonë do të duket në lojë në asnjë vend tjetër.

Cyberpunk 2077 padyshim që do të jetë një lojë mjaft interesante. Gameplay i zbuluar ditën e premte në PAX West na dha një pamje më të mirë të lojës, si dhe na tregoi disa prej veçorive të saj më interesante, të cilat padyshim që do ta bëjnë lojën dhe më argëtuese. Cyberpunk 2077 të jep mundësinë të krijosh një personazh tërësisht tëndin dhe historia e degëzuar padyshim që do të ofrojë disa opsione gameplay që mbase s’janë parë asnjëherë më parë në videolojëra. Cyberpunk 2077 pritet të vijë në 16 prill të 2020 në Playstation 4, Xbox One, Windows PC si dhe në Google Stadia.