Career mode e FIFA 21 sjell disa veçori të reja të shkëlqyera

FIFA 21 në të vërtetë po merr disa veçori të reja në Career Mode

Zhvillimi i lojtarëve është ajo që EA po e quan mënyrën e saj të re, më të mirë, për… epo, zhvillimin e lojtarëve me kalimin e kohës. Më në fund mund të rikualifikoni lojtarët në pozicione të reja, për shembull, ose të kërkoni prej tyre të përqëndrohen në role të caktuara, siç është ‘target man’ or ‘poacher’. Kjo kujdeset për zhvillimin afatgjatë të skuadrës suaj, që do të thotë se stërvitja tani ka një qëllim afatshkurtër: gjithçka ka të bëjë me përgatitjen e ekipit tuaj për ndeshjen tjetër.

Udhëzimi i lojtarëve për të ekzekutuar stërvitjet do të ulë fitnesin e tyre, por nëse do të jetë i suksesshëm, do t’u jepte atyre një forcë të madhe mprehtësie, gjë që do të rritë statistikat e tyre për ndeshjen tjetër. Ju gjithashtu mund të ndikoni në mprehtësinë dhe fitnesin, duke i lënë lojtarët tuaj të kenë një ditë pushimi ose duke lejuar një ditë rikuperimi. Statistikat do të preken nga mprehtësia (midis 0 dhe 100, ku 50 konsiderohet mprehtësi mesatare), morali, dhe duke u luajtur në një pozicion të preferuar.

Simulimi i ndeshjes ka parë një rregullim, po ashtu. Tani ka një grafik të përngjashme me Football Manager për një ndeshje ndërsa është në zhvillim e sipër, dhe ju mund të qëndroni në ndeshje ose jo, sipas dëshirës. Kështu që nëse skuadra juaj do të marrë një penallti, ju mund të futeni për ta marrë atë dhe të rrëmbeni të gjithë lavdinë përpara se të hidhni poshtë dhe t’a lini engine-in e lojës të bëj ndonjë gaf.

Më në fund, negociatat e transfetave kanë marrë plot korrigjime dhe përmirësime të vogla, të tilla si opsioni për të blerë një lojtar tashmë të huazuar në klubin tuaj pa qenë nevoja t’i shisni ata si fillim. Ju mund të hidhni një vështrim në listën e plotë të përmirësimeve të Career Mode në blogun e patch notes të EA.

FIFA 21 do të dalë për PC, PlayStation 4, Xbox One dhe Nintendo Switch më 9 tetor 2020. Më vonë do të vijë në Stadia, PS5 dhe Xbox Series X.