Capcom po hedh shenja drejt Resident Evil 3 Remake

Deri tani, remake-u më i madh i Resident Evil 2 doli në Janar dhe është padyshim një nga lojërat më të mira të vitit. Është e natyrshme pra që fansat të duan të shohin vazhdimin e serisë. Specifikisht loja e fundit e serive në PS1, Resident Evil 3: Nemesis. Sado që për momentin nuk ka ende asnjë konfirmim që një remake i Resident Evil 3 është në zhvillim e sipër, Capcom duket të jetë duke hedhur disa të dhëna rreth diçkaje që lidhet me Resident Evil 3 në kanalet e medias sociale.

Të dyja këto të dhëna janë gjendur në feed-et në Facebook dhe Twitter të Capcom gjatë kësaj jave. Postimi i parë tregon një imazh të Jill Valentine nga Resident Evil 1 Remake dhe postimi i dytë tregon një screenshot nga Resident Evil 2 që shumë lojtarë kanë krijuar teorinë të jetë një referencë e antagonistit të Resident Evil 3, Nemesis.

Resident Evil 2 u lançua para tre muajsh dhe qartazi është shumë shpejt që Capcom të konfirmojë vazhdimin. Gjithsesi meqë Resident Evil 2 ka patur shitje kaq të mira është plotësisht e logjikshme që të mendohet për një vazhdim.

Në screenshotin që tregon Jill Valentine, personazhi kryesor i Resident Evil 3, vjen komenti më poshtë me shkrimin: “Ju duket ndonjëherë sikur dikush po iu mban nën vëzhgim?”

Kjo u pasua nga një postim i dytë me një imazh nga remake-u i Resident Evil 2.

Është e vërtetë që këto postime mund të shihen si një shenjë që diçka po punohet në Capcom, por është ende herët për të konfirmuar ndonjë gjë. Për momentin më mirë të shijojmë Resident Evil 2 edhe ca.