Solos playlist ka ardhur në Call of Duty: Warzone

Nuk na u desh të prisnim shumë

Call of Duty: Warzone ka vetëm një javë që është lançuar dhe për të festuar lançimin e saj, Activision ka sjellë një prej mode-ve më të kërkuara në Warzone, Solos.

Activision njoftoi sot se ju mund të zgjidhni Battle Royale Solos në Warzone.

Kur loja u lançua javën e kaluar, të vetmet mode ishin Battle Royale dhe Plunder. Battle Royale ka 150 lojtarë me ekipe me nga 3, por ju mund të luanit edhe vetëm ose me një shok, por do të ishit në disavantazh ndaj ekipeve trios.

Ndeshjet solo do të kenë 150 lojtarë, pra ju do të jeni vetëm ndaj 149 kundërshtarëve. Kur të vriteni herën e parë, do të shkoni në Gulag, ku mund të luftoni për t’u ngjallur sërish, njësoj si në Trios. Megjithatë, nëse vdisni sërish, nuk mund të futeni sërish në lojë.

Self-revive kits mund të blehen në Buy Stations në Solos. Ato kushtojnë $4,500, por padyshim që do të jenë të nevojshme nëse doni të mbijetoni deri në fund.

Ende nuk dihet nëse Solos po vjen për një kohë të limituar apo përgjithmonë në Warzone.