BlizzCon 2020 është anulluar, eventi online pritet në fillim të 2021

Siç me shumë mundësi edhe pritej, BlizzCon 2020 është anulluar. Blizzard e bëri zyrtar lajmin së fundi, duke konfirmuar se mbledhja e përvitshme e fansave nuk do të vazhdojë për shkak të pandemisë së COVID-19. Kompania ka plan të vazhdojë përpara me një event dixhital në fillim të vitit të ardhshëm, por detajet për këtë të fundit janë ende në ajër.

Blizzard do që të bëjë një event dixhital të BlizzCon “sa më shpejt të mundet”, thotë producenti ekzekutiv Saralyn Smith në njoftimin e lajmit, “por duke marrë parasysh se ky është një territor i ri për ne dhe të gjithë faktorët që përfshihen në të, me shumë gjasa eventi do të vijë nga fillimi i vitit të ardhshëm.”

BlizzCon zakonisht jep lajmet për lojërat më të mëdha të Blizzard dhe këtë vit me shumë mundësi do të merrnim shumë informacione për datën e lançimit të Overwatch 2 dhe Diablo 4, përtej update-ve për lojërat e tjera të kompanisë. Gjithsesi duket se do të na duhet të presim për të gjitha këto.

Konventa vjetore si E3 ose Gamescom gjithashtu kanë kaluar online ose janë anulluar. PAX West gjithashtu supozohet të ndodhë, sipas organizatorëve, por edhe kjo ka shumë pak gjasa që të ndodhë.