Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një lojë e quajtur Dragon Age 4 ka qenë në zhvillim prej vitesh, por nuk ka qenë fiks e njejta lojë gjatë kësaj kohe. BioWare njoftoi zyrtarisht Dragon Age -in e ardhshëm me një trailer gjatë The Game Awards, por kjo ishte shtojca e dytë e lojës. Dragon Age 4 origjinal u anullua në 2017, që të mund të vendosej më shumë forcë pune në zhvillimin e vështirë të Anthem.
Një raportim nga Jason Schreier shpjegon se çfarë ka ndodhur me këtë lojë. Sado që lojërat shpesh bëhen reboot në stade të hershme të zhvillimit, mendohet se rasti në fjalë lidhej me problemet e brendshme të Anthem dhe problemeve më të thella të BioWare. Probleme këto që kompania i ka pranuar dhe premton ti ndreqë shumë shpejt.
Dragon Age 4 origjinalisht i koduar me emrin Joplin, filloi zhvillimet në 2015 si një DLC për Inquisition. Mendohej të përfshinte një palë spiunësh në Tevinter Imperiu, dhe ndonëse do të ishte më i vogël në masë se Inquisition, do të ofronte një botë më rekreative për zgjedhjet e lojtarëve.
“Po punonim me diçka shumë të bukur,” u shpreh një nga zhvilluesit anonimisht. “Një lojë shumë rekreative, më e vogël në masë se Dragon Age: Inquisition por më e madhe në zgjedhiet e lojtarëve. Jam i mërzitur që nuk arritëm kurrë ta bënim.”
Projekti Joplin u mbajt pezull në 2016, teksa zhvilluesit e tij u detyruan të jepnin një dorë shtesë me Mass Effect: Andromeda dhe u anullua përfundimisht kur e njejta gjë ndodhi me Anthem.
Derrisa të vijë Dragon Age 4 tani me shumë mundësi do të kalojë shumë kohë, por më mirë të marrin kohën e duhur se sa të na sjellin ndonjë gjë tjetër si Anthem.
