Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mund të themi me bindje se këto nuk janë aspak ditë të mira për Bethesdën. Pas lançimit të Fallout 76, një firmë ligjore në US ka mbledhur klientët e saj për një bisedim mbi taktikat “mashtruese” të Bethesda Game Studios. Migliaccio & Rathod, një partership në Washington D.C publikoi një blog mbrëm ku shprehej se “po hetonte Bethesdën mbi lançimin e një loje të ngarkuar me probleme dhe refuzimin e rimbursimeve pas atij hapi për përdoruesit që e shikonin të pamundur luajtjen e lojës prej problemeve teknike të saj.”
Deklarata e mësipërme cilëson se probleme të tilla priten me lançimin fillestar të një loje, por kur këto probleme vazhdojnë edhe pas patch-it të ditës së parë gjërat bëhen vërtet të papranueshme. Ajo gjithashtu përmend lojtarët të cilëve iu është mohuar rimbursimi.
Në këtë pikë gjërat nuk janë ende serioze, pasi Migliaccio & Rathod, thjesht kanë ngritur zërin për një problem dhe janë përpjekur të komunikojnë me audiencën që ndante të njejtat shqetësime. Asnjë çështje ligjore nuk është ngritur, por këto janë pak a shumë hapat e para drejt asaj rruge.
Fallout 76 nuk është tamam lançimi më i pëlqyer i Bethesdës, me reviews-a gati mediokre, ulje të çmimit në periudha të shkurtra kohore dhe ankesave të vazhdueshme të përdoruesve që vijojnë ta përndjekin. Reagimi i Bethesdës mbi ktë situatë është fjalëpak, duke u shpehur se nuk ka asnjë koment, pasi padia ende nuk është ngritur.
Gjërat po marrin padyshim një rrjedhë shumë interesante dhe gati gati dramatike. Bethesda gjendet në një pikë të ulët e cila mund të rrezikojë edhe potencialin e saj si studio. Shpresojmë vërtet që ajo të bëjë zgjedhjen e duhur dhe ta menaxhojë sa më mirë këtë situatë.
