Bethesda: Fallout 5 dhe Elder Scrolls VI do të jenë lojëra ‘single-player’

Bethesda është një kompani që mbështet lojërat ‘single-player‘ dhe këtë e ka vërtetuar shumë herë. Pra, kur kompania e mirënjohur njoftoi Fallout 76, një univers i ri ‘multi-player‘ Fallout, ka pasur shumë njerëz që mendonin (gabimisht) se kompania e famshme ndryshoi taktikat dhe se tani të gjitha lojërat do të kenë një identitet ‘multiplayer’.

Duke folur në GameStar, Todd Howard, i njohur për kontributin e tij si në ekskluzivitetin Fallout ashtu edhe në Elder Scrolls, donte të pastronte qëndrimin e kompanisë. Në mënyrë të veçantë, krijuesi iu referua Elder Scrolls VI të konfirmuar kohët e fundit, IP së re të Bethesda, Starfield dhe ndoshta Fallout 5.

Në një deklaratë të tij ai u shpreh “Këto lojëra, ne duam t’i mbajmë ato si ‘single-player’. Ky do të jetë qëllimi ynë. Nëse kemi një aspekt social, nuk e kemi planifikuar ende, do të shohim, por ne e trajtojmë secilën prej tyre si diçka të vetme.”

Howard më pas zbuloi se Fallout 76 nuk do të ketë ‘cross-play’, sepse “Sony nuk është aq bashkëpunues sa ne do të dëshironim”, duke shpjeguar se përdorimi i një motorri të vjetër grafik nuk do të thotë se lojërat e tyre nuk po përmirësohen pasi ka aspekte të makinerisë që janë përmirësuar, duke çuar në rezultate më të mira.

Sipas tij, për shembull, Fallout 76 ka përmirësuar performancën, ndriçimin dhe zbulimin e goditjes, krahasuar me Fallout 4 dhe këto janë vetëm disa nga karakteristikat që janë përmirësuar.