fbpx
Video

Battlefield V ‘Open Beta’ Preview

Pas suksesit të madh të EA me Battlefield 1, i cili na ofroi një përvojë shumë të mirë dhe mjaft realiste të Luftës së Parë Botërore, seritë u transportuan për disa dekada më vonë në Luftën e Dytë Botërore. Shija e parë e Battlefield V, që do të lëshohet në nëntorin e ardhshëm, ishte e mundur për të gjithë përmes ‘open beta’ të lojës. Qëllimi i kësaj Open Beta nuk ishte thjesht kontrolli i serverëve të EA kur ato janë nën presion të madh, por edhe reagimet e lojtarëve në lojë.

E vërteta është se ka shumë elemente pozitive dhe negative për t’u shënuar në këtë Preview. Nëse ne mund t’i japim një mini-titull eksperiencës së përgjithshme që kemi përjetuar, Battlefield V është në një pjesë të madhe, një ri-prekje e BF1. Shumë asete, por shumica e mekanizmave transferohen pothuajse tërësisht nga një video-lojë në tjetrën. Pak gjëra duket se ndryshojnë dhe jo domosdoshmërisht nga ana pozitive, siç është përdorimi i tepru ar i ‘in-game currency’ për blerjen dhe përmirësimin e armëve, diçka që është kritikuar mjaftueshëm në Battlefront 2, por për fat të keq po shfaqet gjithashtu këtu. ‘In-game currency’ fitohet duke plotësuar sfida të ndryshme të cilat ne mund të zgjedhim ose të na jepen vetë nga loja (p.sh. një numër specifik headshot-esh, ringjalljesh, ose pikasje armiku).

Loja që u bë e famshme për betejat e mëdha me rreze të gjata fillon të humbasë personalitetin e saj dhe një arsye e rëndësishme është se në dy Beta-t, betejat e mëdha me automjete ajrore, tokësore ose ujore, munguan goxha. Ndjesia e armëve është më “e lehtë” se në BF1, ndërsa klasat e ushtarëve dhe pajisjeve punojnë si loja e mëparshme. Si një tipar i ri, ne do të përmendim ‘upgrade tree’ duke blerë ‘upgrades’ për secilën klasë, si dhe për secilën armë. Por një problem i madh që ndjek ‘upgrades’, është që ka humbur origjinalitetin dhe prekjen e vjetër të Battlefield, ku EA ka kopjuar formatin e dobët nga Battlefront 2. Diçka që mund të shtojmë po ashtu është që ‘upgrade tree’ dhe armët janë të limituara, me EA që ofron ‘skin costumization’ të panevojshme dhe deri diku pa lidhje. BF-ja i ri ndjek më shumë ekzistencën e skuadrës së katër burrave, pasi para pothuajse çdo loje, machmaking ju përcakton një skuadër në dispozicion nëse nuk luani me miqtë tuaj. Tani të gjitha klasat mund të ringjallen, ndërsa ‘resupply’ mund të bëhet nga stacionet brenda pistave. Interesant është sistemi i kompanisë që na lejon të krijojmë dhe modifikojmë ushtarët tanë, të cilët ne mund të kontrollojmë në fushën e betejës.

Në Beta ne kemi aftësinë për të luftuar në dy harta dhe tre modalitete të ndryshme. Sigurisht që ka ‘mode’-in origjinal, “Conquest“, por edhe dy ‘mode’ të reja “Airborne” dhe “Breakthrough“, të cilat kanë elementë të dominimit dhe modalitetin tonë të preferuar Rush Mode me shkatërrimin e bazave. Grand Operations që përfshijnë beteja të gjata, kombinimin e këtyre modaliteteve, do të ketë edhe BFV, siç e pamë në këtë Beta dhe do të pasurohet me “Tides of War” dhe “Firestorm”, për të cilat ne do të mësojmë më shumë në të ardhmen. Një shtesë e re për Beta-n është Shock Troops, e cila është në thelb një maratonë e vogël e sfidave që, me përfundimin e saj, ofron një shpërblim të caktuar. Menu-të e ngadalta që shfaqen në të dy lojërat Battlefront dhe në Battlefield 1, ne do të jemi në gjendje t’i shohim dhe tek Battlefield V. Ne shpresojmë që në një farë mënyre të bëhet më funksionale dhe më e lehtë për t’u përdorur në të ardhmen.

Në aspektin e ‘connectivity’, serverët u përgjigjën shumë mirë dhe vonesa ishte përgjithësisht minimale ose jo e dukshme, ndryshe nga shumë bugs në lojë të cilat ne shpresojmë se do të eliminohen deri në lëshimin përfundimtar. Nëse ka pasur disa probleme ato dolën gjatë më shumë matchmaking dhe jo gjatë ndeshjes. Ndjesia e luftës nuk ndryshon shumë, përshkrimi është mjaft korrekt dhe bazuar në një farë mase në ngjarjet aktuale të Luftës së Dytë Botërore, megjithëse dihet se fillimisht nuk do të ketë forca të mëdha lufte të kohës si Rusia dhe Japonia e cila ndoshta do të shtohet si DLC, (e cila, sipas të dhënave aktuale, do të jetë pa pagesë). Sektori optik dhe motorët grafikë (Frostbite 3) nuk ndryshojnë dhe ne presim një rezultat mjaft të kënaqshëm përfundimtar në 60 fps, si dhe sektori audio që është shtylla kurrizore e serisë.

Sipas asaj që pamë në Open Beta, Battlefield V do të jetë një lojë që mund të ndajë audiencën mes reagimeve pozitive dhe atyre negative. Tema e Luftës së Dytë Botërore gjithmonë tërheq lojtarët, por se si loja do e tejkalojë një Battlefield 1, goxha të mirë duhet të themi dhe se si do të dalë prej saj, është e varur nga zhvilluesit. Ka ankesa nga publiku, por ekziston edhe sfondi që duhet korrigjuar. Nëse do të na duhet lançimi i EA DICE për të na ofruar një lojë Battlefield në frymën e së kaluarës, duke na bërë të shpenzojmë dhjetëra orë në internet, ne do ta zbulojmë atë për rreth dy muaj nga tani.

Konkluzioni

Konkluzioni ynë është që Battlefield V ndjehet si një version i ri i Call of Duty, ku harta ndihet shumë më e vogël. Tashmë që e thamë këtë, nga eksperienca jone e demo-s, Battlefield V është një kopje pothuajse ekzakte e Battlefield 1, me ndryshimin e fokusit të historisë, nga Lufta e Parë deri në Luftën e Dytë Botërore. Pronarët e Battlefield 1, do i duket e shumë e vështirë gjetja e një arsyeje logjike për blerjen e Battlefield V. Gjithsesi, EA dhe DICE kanë shtyrë kohën e lançimit fillestar të lojës, gjë e cila të bën të mendosh që gjërat mund të ndryshojnë deri në Nëntor.

Po për ju? Çfarë mendoni për Battlefield-in e ri? Na e bëni të ditur në seksionin e komenteve më poshtë! Mos harroni të bëni Like & Subscribe në kanalin tonë si dhe të na bëni follow në mediat tona sociale. Për më shumë informacion, vizitoni gameon.al.

Deri atëherë… Game On!