Alienët mund të pushtojnë Apex Legends

Thashethemet e fundit për Apex Legends na kanë çuar drejt një eventi të pashmangshëm dhe duket se EA dhe Respawn po e përgatisin lojën free-to-play për një pushtim nga alienët. Nëse nuk e keni luajtur lojën sot, atëherë po ju themi ne që ka diçka në qiell. Është vërtetë e vështirë për tu dalluar, por ka diçka aty. Specifikisht është një formacion dritash që duket si syet e Sam Fischer nga Splinter Cell. Normalisht që protagonisti i serive nga Ubisoft nuk do të vijë në lojën battle royale, por alienët ndoshta munden.

Kjo nuk është e vetmja gjë që mund të vërehet në qiell. Është një lloj tjetër drite, që lojtarët mendojnë se mund të jetë një farë pakoje ose ndoshta një Titan drop. Fatkeqësisht, gjithçka që kemi momentalisht janë spekulime, por sigurisht që diçka e bukur, rreth të cilës do të zbulohet më shumë së shpejti, do të vijë në lojë.

Gjithsesi, nëse nuk i keni parë dritat në qiell, mund ti shikoni atë më poshtë, falë dataminer-it Shrugtal, i cili gjithashtu gjeti disa referenca interesante në filet e lojës.

Siç përmendet edhe më sipër filet e reja të lojës gjithashtu përmendin diçka të quajtur “Harvester“. Siç mund ta dini Apex Legends është e vendosur në universin e Titanfall dhe në këtë univers gjenden disa gjëra të quajtura Harvesters. Ato janë struktura të mëdha cilindrike nga Frontier Militia për ekstradimin e mineraleve nga sipërfaqja e planeteve. Arsyeja pse këto do të vinin në Apex Legends është e paqartë, përveçse ndoshta për të krijuar një vendndodhje të re në hartë.

Duhet të kemi parasysh se Apex Legends ka gjurmë nga dy lojëra të mëparëshme të Titanfall në të, ndaj prezenca e “Harvester” mund të mos ketë asnjë kuptim.