AI që bëri ban 20,000 lojtarë të CS:GO po mësohet si ta bëjë punën e saj më mirë

Rreth një muaj më parë ju informuam rreth një AI të quajtur Minerva, e cila u ndërtua nga Google dhe FACEIT për të bërë ban lojtarët që tregonin tendenca toksiciteti në Counter-Strike: Global Offensive. Minerva ka qenë aktive që në gusht tashmë dhe deri në tetor kishte shpërndarë 90,000 paralajmërime dhe 20,000 bans për lojtarët.

Problemi në këtë rast, ishte që e gjithë puna ishte bërë nga një AI, pa asnjë lloj mbikqyrjeje njerëzore sipër dhe shumë lojtarë u ndjenë të ofenduar nga kjo. Ndonjëherë një chat mund të duket toksik kur e merr jashtë konteksti, kur shumë mirë mund të jetë thjesht një shaka e brendshme mes miqsh.

Fatmirësisht, Minerva AI do të marrë një përmirësim të quajtur ‘Justice‘. Kjo u njoftua nga FACEIT në Twitter muajin e shkuar, por askush nuk e dinte mirë ekzaktësisht se çfarë ishte Justice. Sipas një prezantimi nga Niccolo Maisto i FACEIT, Justice është një shtojcë e Minerva e drejtuar nga komuniteti, praktikisht për ta mësuar që ta bëjë punën e saj më mirë.

Me shtimin e Justice, nëse një lojtar bëhet ban për sjellje toksike, lojtarë të tjerë në server do të mund ta rishohin si rast për të vendosur nëse realisht sjellja e lojtarit në fjalë është për tu ndëshkuar. Më tej, Minerva do të mësojë nga kjo dhe do të mund të japë bans në argumenta më të saktë.

Duke i lejuar lojtarët të japin mendimin e tyre kritik për sjelljet toksike përmes Justice, shqetësimet fillestare ndaj Minerva do të reduktohen. Momentalisht nuk ka një datë lançimi për Justice gjithsesi, ndaj lojtarët do të duhet të durojnë këtë version të Minerva edhe për pak.