Ja se cilat do të jenë aftësitë e Revenant në Apex Legends

Trailer-i më i fundit i gameplay shfaq legjendën më të re

Respawn Entertainment shfaqi legjendën e tyre më të fundit, Revenant, së bashku me aftësitë e tij, në trailer-in më të fundit të gameplay për Apex Legends Season 4.

Trailer-i i Assimilation nis me Revenant që po ngacmon transmetimin e Hammond Industries, i cili ndërpritet kur Revenant vret Octane. Mercenari i kthyer në robot mund të shihet duke rrëshkitur në hartë, duke eleminuar kundërshtarët me disa aftësi.

Pasivja e tij, Infiltrator u shfaq e para. Ajo i lejon Revenant të jetë më i shpejtë kur ecën, përkulet dhe ngjitet, gjë që e bën shumë të lehtë manovrimin në hartë. Më pas, shpejtësia e ngjitjes tregohet së bashku me ultimate-in e tij dhe aftësitë e tjera.

Në mes të trailer-it, duket ajo çfarë ne mendojmë se është Ultimate i Revenant, Death Recall. ajo i jep shokëve të tij të ekipit mundësinë të shpëtojnë nga vdekja pasi një totem bie në tokë. Lojtarët e vdekur rikthehen tek totemi me 20HP dhe shndërrohen në zombi.

Megjithatë, këto nuk ishin të vetmet aftësi të treguara. Revenant hedh një pajisje drejt një tarrace. Revenant mund të hedhë Silence dhe Poison Bomb. Duke qënë se kjo pajisje duket se i ndalon deri diku kundërshtarët, duke na bërë të mendojmë se është Silence. Pasi kombinon këto aftësi, Revenant eleminon dy kundërshtarë dhe ekzekuton të tretin. “Është thjesht një ëndërr e keqe,” – tha ai pasi vrau Mirage.