Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Konsolat e reja janë më të shpejta se kurrë
Konsola më e shpejtë dhe më e fuqishme e Microsoft, Xbox Series X, u zbulua para disa muajsh. Pritet që ajo të vendosë një limit të ri për sa i përket performancës, shpejtësisë dhe suportimit të lojërave, duke i dhënë lojtarëve mundësi të luajnë mijëra lojëra nga katër gjenerata konsolash.
Deri më tani, Xbox Series X ka qënë një mister, me Microsoft dhe data miners që kanë zbuluar vetëm detaje të vogla dhe disa pamje të konsolës. Megjithatë, një artikull sot ka zbuluar të gjitha detajet e konsolës, përfshirë këtu parametrat e saj dhe veçoritë kryesore.
Kjo është lista e plotë e të gjithë parametrave:
- CPU: 8x Cores @ 3.8 GHz (3.66 GHz w/ SMT) Custom Zen 2 CPU
- GPU: 12 TFLOPS, 52 CUs @ 1.825 GHz Custom RDNA 2 GPU
- Die Size: 360.45 mm2
- Process: 7nm Enhanced
- Memorie: 16 GB GDDR6 me 320mb bus
- Bandwidth i memories: 10GB @ 560 GB/s, 6GB @ 336 GB/s
- Memorie e brendshme: 1 TB Custom NVME SSD
- I/O Throughput: 2.4 GB/s (Raw), 4.8 GB/s (Compressed)
- Memorie e zgjerueshme: 1 TB Expansion Card (identike me memorien e brendshme)
- Memorie e jashtme: USB 3.2 External HDD Support
- Drive optik: 4K UHD Blu-Ray Drive
- Performanca e pritur: 4K @ 60 FPS, deri në 120 FPS
Për sa i përket fuqisë dhe performancës, Xbox Series X është një hap shumë i madh në krahasim me pasardhësen e saj, Xbox One X. Në fakt, konsola mund të jetë dyfish më e fuqishme. Lojërat do të duken më mirë dhe do të jenë më të shpejta, ndërkohë që input lag dhe screen tearing do të jenë në minimum. Është një konsolë shumë e fuqishme e krahasueshme me PC modernë, por shpejtësia e saj padyshim që do ja vlejë.
Së bashku me këto parametra, u prezantuan gjithashtu edhe disa prej veçorive më të reja dhe më të rëndësishme që tregojnë shpejtësinë e Xbox Series X.
Fillimisht, kemi një tech demo të Quick Resume. Tani, nuk do t’ju duhet të mbyllni një lojë për të luajtur një tjetër, pasi ju thjesht mund të rinisni cilën lojë të doni menjëherë.
Videoja tregon një lojtar duke luajtur Forza Motorsport 7, përpara se të ndalojë dhe të kalojë në Ori and the Blind Forest. Më pas, ai kalon në The Cave, Hellblade: Senua’s Sacrifice dhe State of Decay 2, pa e mbyllur asnjëherë lojën e mëparshme.
Videoja e dytë tregon diferencën në shpejtësi midis Series X dhe One X. Series X e nis State of Decay 2 në 10 sekonda, ndërkohë që Xbox One X kërkon plot 50 sekonda për ta nisur lojën.
Kjo vjen e gjitha nga SSD e re si dhe një teknologji që Microsoft e quan Xbox Velocity Architecture, e cila integron ngushtë hardware dhe software duke lejuar 100GB asete lojërash të përdoren menjëherë nga zhvilluesit.
Videoja gjithashtu tregon dhe një nga veçoritë më të rëndësishme të Xbox Series X, backwards compatibility. Microsoft thotë se të gjitha lojërat e Xbox, Xbox 360 dhe Xbox One do të mund të luhen më mirë në Xbox Series X.
Nëse doni më shumë detaje, hidhini një sy postimit në website-in e Xbox.
