Amazon do të zhvillojë një lojë MMO të Lord of the Rings

Loja duket se nuk ka lidhje me serialin e ardhshëm të Amazon bazuar tek Lord of the Rings

Amazon Game Studios ka zbuluar projektin e tyre të rradhës: një MMO Lord of the Rings që Amazon po e zhvillon në bashkëpunim me Leyou, kompaninë mëmë të Warframe. Pritet që loja të jetë free-to-play dhe të vijë në PC dhe konsola.

Loja në fakt është lajmëruar vitin e kaluar nga një prej kompanive të brendshme të Leyou, Athlon Games. Në atë kohë, Athlon tha se po punonte me një partner zhvillimi pa emër, i cili u zbulua të ishte Amazon Game Studios.

Bazuar te lajmërimi i Athlon vjeshtën e kaluar, MMO-ja e re zhvillohet shumë kohë përpara eventeve të Lord of the Rings dhe do të eksplorojë toka, njerëz dhe krijesa që nuk janë parë më parë nga fansat e universit të Tolkien. Kjo duket e ngjashme me idenë e Amazon për serialin e ardhshëm të Lord of the Rings, i cili gjithashtu pritet të zhvillohet në Middle Earth kohë përpara serisë së J.R.R Tolkien. Sipas Amazon, seriali dhe loja po zhvillohen në veçanti dhe nuk kanë asnjë lidhje me njëra-tjetrën.

Si Amazon ashtu dhe Leyou kanë eksperiencë të shumtë me MMO. Siç thamë dhe më lart, Leyou është pronarja e Digital Extremes, zhvilluesit të Warframe, ndërsa Amazon ka kohë që punon për MMO-në e tyre të parë, New World, gjë e cila duhet të shuajë frikën që një seri e tillë kaq e dashur po merret përsipër nga të rinj të kësaj fushe.

MMO-ja Lord of the Rings e Amazon gjithashtu nuk është loja e parë MMO e bazuar në botën e Tolkien. The Lord of the Rings Online është lançuar që në 2007 dhe i ofron lojtarëve një aventurë të re për të luajtur përkrahë eventeve të trilogjisë gjatë Luftës për Unazën. Update më i fundit i lojës është lançuar në tetor të vitit të kaluar.

Nuk ka ende detaje për datën e lançimit të kësaj loje nga Amazon dhe se për cilat konsola ajo do të lançohet, por presim më shumë informacion ndërkohë që zhvillimi vazhdon.