Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
PUBG Mobile Lite e bën lojën të aksesueshme në shumë pajisje
PUBG Mobile është e aksesueshme në më shumë se 750 milionë smartphone Android më shumë se Fortnite Mobile, sipas një raporti të kohëve të fundit nga Newzoo.
Arsyeja e kësaj diferencë janë parametrat e lartë që kërkon Fortnite, si dhe lançimi këto kohë i PUBG Mobile Lite, që e bën PUBG më të aksesueshme.
Ndërkohë që PUBG PC ka arritur numrin më të ulët të lojtarëve prej kohësh me 500,000, PUBG Mobile ka një rritje shumë të shpejtë. Loja së fundi ka arritur mbi $1 miliard fitime, një rritje me 540% nga viti i kaluar, sipas një raporti nga Sensor Tower. Kontributin më të madh drejt këtij numri e ka dhënë Kina, ku rregullat e rrepta e detyruan Tencent ta rilançonte lojën si Game for Peace në maj për ta monetizuar atë. Fortnite ende nuk është lançuar në Kinë.
Fortnite Mobile është një kalim direkt i versionit të lojës në PC, me disa ndryshime të vogla për ta optimizuar atë në mobile. Loja suporton crossplay me platforma të tjera si PC dhe konsola, prandaj dhe kërkon specifika më të larta për t’u luajtur.
Përveç specifikave, ajo që e zgjeron diferencën është lançimi i PUBG Mobile Lite në disa rajone të botës, që është e optimizuar për t’u luajtur në pajisje me parametra shumë të ulëta. Versioni më i lehtë i PUBG Mobile mund të luhet në smartphone me më pak se 2GB RAM dhe version Android më të ri se 4.1.
Ndërkohë që raporti i Newzoo mbulon vetëm Android, kjo diferencë mund të vihet re dhe në iOS. Fortnite në iOS kërkon iOS 11 ose më shumë, ndërkohë që PUBG Mobile mund të luhet në iOS 9 ose më shumë. Kjo bën që PUBG të luhet në më shumë smartphone, përfshirë këtu iPhone 5S, 6 dhe 6 Plus.
PUBG Mobile është padyshim loja më e madhe nga të dyja në pajisjet mobile në këto momente. Është e vështirë të llogaritet diferenca ekzakte, duke marrë parasysh se Fortnite Mobile nuk mund të merret nëpërmjet Google Play Store. Epic Games ka vendosur të mos ta shpërndajë lojën nëpërmjet Play Store për të mos qënë të detyruar t’i paguajë Google 30% të fitimeve.
