PUBG Mobile ‘ri-lançohet’ në Kinë si një lojë pa dhunë e quajtur Game for Peace

Imagjinoni PUBG, por thjesht 0 dhunë.

Pasi priti më shumë se një vit për miratim e PUBG nga qeveria kineze, Tencent vendosi të mos lodhet më fare me battle-royale-in e saj, por ti çonte lojtarët drejt një loje të re të ngjashme të quajtur Game for Peace.

Tencent njoftoi se do ta mbyllte fazën testuese të PUBG Mobile, pra loja nuk do të jetë më e disponueshme për tu shkarkuar. Në vend të PUBG, lojtarët mund të luajnë Game for Peace. Lojë kjo e miratuar në prill, që përmban të gjithë match history-in e fundme të lojtarëve.

Game for Peace është vërtet shumë e ngjashme me PUBG, por është zhvilluar me të gjitha rregullat strikte që ka Kina mbi videolojërat. Pra dhuna në të është e pakët, lojtarëve nuk iu del gjak kur vriten dhe madje pasi janë vrarë, çohen prapë në këmbë dhe thonë mirupafshim. E tmerrshme me pak fjalë.

Teknikisht versioni PC i PUBG është ende i disponueshëm në Kinë. Pavarësisht se loja nuk është miratuar, lojtarët mund ta marrin atë përmes tregut të zi të Steam.

Popullariteti i lojës në Azi po shkakton shumë polemika. Duhet të mbajme mend se versioni mobile i lojës është ndaluar në Indi dhe Nepal. Gjithsesi sado që PUBG mund të mos i ketë shumë mirë punët me disa qeveri, i ka super me fansat, Loja po ia del shumë mirë dhe në fund të ditës kjo është ajo që ka rëndësi.