Një material i ri ndërtimi mund të vijë në Fortnite gjatë Season 2

Ky do të ishte një ndryshim mjaft i madh për Fortnite

Që prej krijimit të Fortnite, lojtarët kanë përdorur tre materiale të ndryshme ndërtimi – dru, tulla dhe metal. Nuk ka patur ndonjë arsye që zhvilluesit të shtonin opsione të tjera, po kjo nuk i ka ndaluar fansat të sjellin teoritë e tyre.

Në 5 shkurt, leaker-i i Fortnite Lucas7yoshi vuri re diçka të çdutishme në file-t e lojës. Edhe pse ai nuk kishte shumë informacion, ai gjeti disa objekte të arta të cilat mund të jenë shenja drejt diçkaje më të madhe, madje edhe një material i ri.

Fortnite në fakt ka një Solid Gold LTM që i bën të gjitha armët Legendary, por ajo nuk ndryshon objektet në hartë, prandaj duket se nuk ka lidhje me të. Kjo i ka shtyrë lojtarët të mendojnë se Epic mund të sjellë një material të ri ndërtimi në Season 2, si pjesë e ndryshimeve të mëdha që vijnë në çdo sezon.

Duke e bërë këtë gjë, Epic gjithashtu do të ketë kohë të bëjë ndryshimet e nevojshme të balancës përpara nisjes së Fortnite Champion Series. Ardhja e një materiali të ri mbase nuk është ndryshimi më i madh, por padyshim që duhet pak kohë që lojtarët të mësohen me të.

Nëse kjo gjë ndodh, me shumë mundësi ari do të ishte materiali më i fortë në lojë. Nëse ai mund të merret vetëm nga objekte specifike si në tweet-in e Lucas7yoshi, atëherë ai do të ishte një material mjaft i rrallë.

Me Season 1 që mbaron në 20 shkurt, nuk do të na duhet të presim shumë përpara se të shohim këtë ndryshim në lojë.