Legends of Runeterra është më popullore se League of Legends në Twitch

Loja e re me letra e Riot duket se po ecën me sukses

Riot Games pati një livestream fantastik ditën e djeshme duke zbuluar shumë lojëra të reja në një stream të vetëm, por loja e tyre e re me letra, Legends of Runeterra, duket se ka qënë menjëherë një sukses, duke kaluar League of Legends, World of Warcraft dhe Counter Strike: Global Offensive për të qënë loja e dytë më e parë në Twitch.

Është një arritje mjaft e madhe duke marrë parasysh se kjo lojë me letra e vendosur në universin e League of Legends ende nuk është lançuar. Lojtarët kanë mundësi ta testojnë atë nëpërmjet një closed beta e cila do të vazhdojë deri në 20 tetor.

Legends of Runeterra i lejon lojtarët të krijojnë decks me personazhet e tyre të preferuar në League of Legends, të cilët kanë aftësitë e tyre. Edhe pse duket në pamje të parë e ngjashme me Hearthstone dhe Magic: The Gathering, loja ka një sistem unik rradhësh që padyshim i ka tërhequr shikuesit dhe streamer-at.

Lojtarët duhet të mbajnë rradhë për të suluar dhe për të mbrojtur në lojë, me strategjinë që caktohet në fillim të çdo rradhe. Luftimi fillon kur të dyja palët janë gati, me një lojtar që sulmon dhe një tjetër që zgjedh letrat për t’u mbrotur. Ndërkohë që streamer-at po mundohen të kuptojnë lojën, disa kanë kuptuar se është më mirë të sulmosh menjëherë dhe të luash agresiv.

Jeremy “DisguisedToast” Wang është një prej streamer-ave më të njdekur pasi zbuloi në stream se duhej ta mbante lojën sekret për 6 muaj. Pas zbulimit të lojës, streamer-i kanadez i njohur për Hearthstone dhe Teamfight Tactics bëri një livestream të Legends of Runeterra duke shpjeguar mekanikat dhe duke dhënë mendimin e tij për lojën.

Të gjithë lajmërimet e Riot janë pritur mjaft mirë nga publiku dhe nëse Legends of Runeterra mund të kalojë disa prej lojërave më të mëdha vetëm disa orë pas zbulimit, padyshim që duket se loja do të jetë një sukses.