Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Riot më në fund futet në skenën e lojërave dixhitale me letra
Si pjesë e festimeve të 10-vjetorit të League of Legends, Riot Games ka lajmëruar se do të lançojë një lojë falas dixhitale me letra të quajtur Legends of Runeterra. Loja do të mund të luhet në PC dhe në mobile në 2020 dhe tashmë keni mundësi të regjistroheni.
Loja do të ketë kampionë të njohur nga universi i League of Legends në një mënyrë të veçantë në një lojë me letra, si dhe karaktere dhe personazhe të reja nga bota e Runeterra. Çdo letër sjell stilin dhe avantazhin e vet strategjik në deck-un e një lojtari dhe do t’i ndihmojë përdoruesit të krijojnë mënyrat e tyre për të mundur kundërshtarët. Letrat gjithashtu do të jenë të varura nga rajonet, si Zaun, Ionia, Piltover dhe Shadow Isles.
Lojtarëve do t’iu duhet të përdorin shumë kreativitet dhe aftësi gjatë lojës, në mënyrë të ngjashme me Hearthstone të Blizzard dhe Magic: the Gathering të Wizards of the Coast.
Riot gjithashtu ofron dhe shumë opsione për të marrë letra, përfshirë këtu dhe mënyra mjaft të mira për lojtarët që nuk duan të shpenzojnë para, ndërkohë që i lejon lojtarët që duan ta bëjnë këtë gjë ta paguajnë.
Ky është vetëm një prej shumë lajmërimeve të bëra gjatë livestream-it të 10-vjetorit të League of Legends, i cili soli shumë gjëra të reja për fansat e League of Legends.
