Epic Games kërkon që Apple të rikthejë Fortnite, pasi humbi 60% të përdoruesve

Epic Games ka kërkuar që Apple të kthejë Fortnite sërish në App Store, pasi pati një rënie prej 60% në përdoruesit e saj në iOS.

Epic Games fillimisht ra në sy në gusht, kur prezantoi një metodë të drejtpërdrejtë pagese në Fortnite, që anashkalonte tarifën 30% të Apple dhe Google Play Store. Kjo solli në një ban të lojës nga Apple dhe Google.

Ndodhia e fundit e kësaj historie ishte në 4 shtator, kur Epic Games bëri kërkesë zyrtare që Apple të rikthente Fortnite në Apple Store. Në këtë dokumentacion Epic Games vazhdon ti shohë veprimet e Apple si “kundërsulm” kundër tyre. Ai gjithashtu thotë se kompania mund të vuajë dëme të pandreqshme prej kësaj dhe e quajti sërish monopol gjigandin e teknologjisë.

Epic tha se “mund të mos i shohë më kurrë këta përdorues”, pasi pësoi një rënie prej 60% në lojtarët e iOS. Kompania thotë se mbi 210 milionë lojtarë nuk luajnë dot më Fortnite në paisjet Apple dhe se ato paisje ishin e vetmja mënyrë që këta përdorues të mund ta aksesonin battle royale-in.

Kjo nuk është hera e parë që Epic ka tentuar të rivendosë Fortnite në App Store. Tentativa e tyre e parë, që ishte në fillimin e Season 4, u bllokua nga gjykata. Kjo kontraditë solli edhe në organizimin e eventit #FreeFortnite, që solli spektakle masive në lojë dhe një turnament të kësaj tematike.

Nuk është e qartë nëse kjo tentativë e Epic do të rezultojë e suksesshme ose jo. Gjykata pritet të japë vendimin e saj në 28 shtator, ndaj thjesht do të nda duhet të presim deri atëherë për të parë fatin e Fortnite në iOS.