Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Valve më në fund prezantoi Steam Deck, pajisjen gaming të ngjashme me Switch e cila ka kohë që përflitet. Por çfarë sjell kjo pajisje dhe kur do të vijë ajo?
Steam Deck do të përfshijë një AMD APU quad-cpre Zen 2 CPU e cila do të ketë 8 threads dhe AMD RDNA 2 GPU bashkë me 16GB LPDDR5 RAM. Për sa i përket hapësirës, do të jenë tre modele të ndryshme si: 64GB eMMC, 256GB NVMe SSD dhe 512GB NVMe SSD. Gjithashtu ju mund ta zgjeroni këtë hapësirë duke përdorur MicroSD.
Për sa i përket jetëgjatësisë së baterisë, Valve është shprehur se do të ofrojë disa orë lojë për shumicën e lojërave. Nëse luani lojëra të thjeshta ju do të keni një jetëgjatësi baterie prej 7-8 orë dhe nëse luani lojëra si Portal 2 do të keni afërsisht 4 orë jetëgjatësi baterie. Nëse e limitoni në 30FPS do të keni afërsisht 5-6 orë.
Steam Deck do të ofrojë opsione të ndryshme, për sa i përket dizajnit të jashtëm. Në pjesën e përparme do të ketë dy thumbsticks bashkë me dy trackpads të cilat do t’iu ofrojnë shënjestrim më të mirë në lojërat first-person shooter. Gjithashtu do të gjeni butonat ABXY, D-pad dhe ekranin 7-inch që do të jetë 1200×800 touchscreen.
Në të do të gjeni edhe dy triggers në secilën anë, afërsisht njësoj si në Nintendo Switch. Në pjesë e pasme do të gjeni 4 butona, 2 në secilën anë, të cilat mund t’i modifikoni sipas dëshirës. Gjithashtu ju do të gjeni gyroscope për motion controls, USB Type-C, built-in microphone dhe më shumë. Më poshtë do të gjeni një skicë të plotë të Steam Deck.
Një veçori që Steam Deck do të ofrojë është se tashmë do të mund të bëni pause, ta vendosni pajisjen në sleep mode dhe ta vazhdoni lojën atje ku e latë më vonë nëpërmjet sistemit operativ SteamOS.
Valve është shprehur se do të shesë edhe një dock ku mund të vendosni Steam Deck dhe ta lidhni atë me një monitor. Por që nuk do të jetë e nevojshme pasi Steam Deck do të vijë me kabllo USB Type-C e cila iu ofron mundësinë të lidhni HDMI, kabëll LAN për internet, USB dhe më shumë.
Nga ana e software, Steam Deck do të ketë një version të ri të SteamOS i cili do të jetë i optimizuar për këtë pajisje. Në vetvete, sistem operativ i Steam Deck do jetë i bazuar në Linux dhe do të përdorë Proton(bën të mundur që lojërat e Windows të luhen edhe në Linux) por ju do të keni mundësinë ta përdorni këtë pajisje si një kompjuter Linux nëse e lidhni me një mouse, keyboard monitor dhe më shumë.
Ju do të keni mundësinë që ta rezervoni atë duke filluar që nesër. Çmimi për versionin 64GB do të jetë 399 dollarë, versionin 256GB për 529 dollarë dhe versioni 512GB për 649 dollarë. Dhe mos harroni që ju mund të përdorni edhe slot e MicroSD nëse iu duhet më shumë hapësirë.
