Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këtu është pamja juaj e dytë jozyrtare në atë që duket se është DualShock 5.
*** UPDATE ***
Një liçensë e dytë Sony PS5, e zbuluar nga LetsGoDigital, na ka dhënë një pamje tjetër nga skicat e controller-it të gjeneratës së ardhshme, DualShock 5. Liçensa, e paraqitur në USPTO nga Sony verën e kaluar (por vetëm tani është bërë e disponueshme për publikun e gjerë), zbulon një controller që duket shumë i ngjashëm me skicat e mëparshme DualShock 5 që dolën në sipërfaqe disa muaj më parë, përveç disa ndryshimeve.
Si fillim, pajisja tani ka dy butona të pasëm ngjitur prapa mbajtësve të tij të majtë dhe të djathtë; gjë që nuk është për t’u habitur për ata që i kanë kushtuar vëmendje njoftimit të fundit të Sony për risin më të fundit, DualShock 4 Back Button, i cili shton dy butona të ngjashëm, të personalizueshëm në pjesën e prapme të controller-it.
Për më tepër, butoni i PlayStation Home, i përdorur kryesisht për të fikur ose ndezur PS4, nuk është askund, për tu parë, duke sugjeruar që Sony po mendon ta heqë atë plotësisht në favor të një dizajni më “clean”. Në të vërtetë, me ato dy butona shtesë, nevoja për atë buton shtesë të përparmë papritmas ka më pak kuptim.
Pavarësisht, pamjet nga kjo liçensë e fundit nuk janë aspak një pamje e garantuar e produktit përfundimtar, kështu që është e mundur që ende do të kemi leaks dhe të dhëna të vazhdueshme mbi të ardhmen e controller-it.
Për më shumë informacion, shihni historinë tonë origjinale më poshtë në liçensën e dalë më parë të DualShock 4 nga viti i kaluar dhe se si ajo mund të frymëzojë dizajnin e controller-it DualShock 5.
Historia origjinale vijon:
Sony ka regjistruar një liçensë për një lloj të ri të controller-i të PlayStation që duket pak më ndryshe nga ai që njerëzit përdorin tashmë ose liçensat e tjera që janë zbuluar më parë. Imazhet që konceptojnë controller-in në liçensën që gjendet në skedarët e World Intellectual Property Organization tregojnë një dizajn që duket kryesisht si i një controller-i normal DualShock, përveçse ky ka dy butona shtesë në anën e pasme. Këto butona duket se janë të vendosur në anën e majtë dhe të djathtë të pjesës së prapme të controller-it, të cilët mund t’i përdorësh si zëvëndësim të inputeve tuaja bazike.
Liçensa në fjalë mund të gjendet këtu për të treguar disa imazhe të skicuara të controller-it. Të vendosura drejtpërdrejt, aty ku analogët do të vendosen në pjesën e përparme të një controller-i normal, këto butona shtesë ndodhen fiks at ku do të gjenit platforma shtesë nëse po përdorni një controller premium me butona shtesë të përshtatshëm.
Nga përshkrimet brenda përmbajtjes së patentës ne kemi kuptuar që këto butona mund të jenë zëvëndësime të personalizuara (sipas dëshirës suaj) që mund t’i përdorni si një zëvëndësim i butonave të tjerë, duke e bërë kështu më të lehtë për ju që jepni inpute në lojë dhe duke ju bërë më kompetitivë në të njëjtën kohë. Një imazh nga liçensa që tregon modelin e controller-it mund të shihet më poshtë, megjithëse vini re se ne e kemi rrotulluar atë për të paraqitur controller-in siç e shihni zakonisht nga pas.
Sony tashmë ka treguar se është në dijeni të kërkesës për atë lloj gjëje me produktin e saj Back Button Attachment që lejon lojtarët të shtojnë dy butona ekstra mbi controller-in e tyre PS4, kështu që duket se kjo liçensë e re mund të ndërtohet në atë drejtim. Ajo që nuk është e qartë është nëse kjo liçensë është për diçka që ne do ta shohim në PlayStation 4 apo nuk do ta shohim deri sa të lëshohet PlayStation 5. Nëse bëhet fjalë për herë të parë në PlayStation 4, do të ishte një bast mjaft i sigurt që teknologjia do të përfshihej në një farë mënyre në hartimin e controller-it të PlayStation 5.
Një pjesë tjetër më pak interesante, por ende e dukshme e kësaj liçense është se controller-i në fjalë nuk ka një buton PlayStation në qendër të tij në pjesën e përparme. Ky buton është goxha i rëndësishëm pasi ju lejon të përdorni të gjitha menutë e konsolit, megjithëse siç ndodh me të gjitha liçensat, modelet e produkteve këtu mund të ndryshojnë duke supozuar se ato ndonjëherë janë sjellë në treg.
