Ghostrunner 2 njoftohet për PS5, Xbox Series X dhe PC

505 Games ka njoftuar se Ghostrunner 2 do të vije për platformat PC, PlayStation 5 dhe Xbox Series X | S. Ghostrunner 1 u lançua në tetorin e kaluar në PlayStation 4, Xbox One, PC dhe Nintendo Switch, por loja e re do të përfitojë nga hardware-i i gjeneratës së ardhshme. Titulli shiti më shumë se 600,000 kopje në të gjitha platformat. Përveç lojës së re, një version tjetër i Ghostrunner 1 është gjithashtu në proces. Në një njoftim të shpërndarë në Twitter, 505 Games zbuloi se vazhdimi do të ketë një buxhet të dyfishuar nga Ghostrunner i mëparshëm.

Deri më tani kemi, shumë pak informacion në lidhje me vazhdimin e projektit. Një datë e lançimit nuk është përmendur në njoftimin për shtyp, por versioni i gjeneratës së ardhshme të Ghostrunner 1 do të jetë i disponueshëm deri në fund të vitit 2021. Azhurnimi i gjeneratës tjetër do të jetë falas për ata që e kanë blerë tashmë lojën në PS4 ose Xbox One.

Para lëshimit të azhurnimit, lojtarët ekzistues gjithashtu kanë një numër azhurnimesh të tjera për të pritur. Kjo verë do të sjellë lançimin e një mode të re loje, bundles të reja dhe më shumë.

Për ata që nuk kanë informacion rreth Ghostrunner, loja është një platformer-aksion i personit të parë në një mjedis cyberpunk. Lojtarët marrin rolin e Jack the Ghostrunner, ndërsa ata mposhtin armiqtë, kryejnë vrapime në mur, kërcime etj. Loja doli në rishikime të forta vjeshtën e kaluar, kështu që ata që nuk kanë luajtur ende origjinalin mund të dëshirojnë ta shikojnë ndërsa vazhdimi është në zhvillim e sipër. Shpresojmë që 505 Games të kenë më shumë informacion mbi Ghostrunner 2 diku në të ardhmen e afërt!