Atomic Heart sjell një trailer të ri duke na dhënë detaje të reja

Edhe kësaj here Atomix Heart na surprizon me një trailer të ri i cili erdhi gjatë Microsoft x Bethesda E3 dhe që na tregon detaje të reja mbi këtë lojë.

Atomic Heart është e vendosur në Bashkimin Sovjetik gjatë vitit 1955 ku një agjent i KGB duhet të investigojë një katastrofë në një laborator shkencor. Në trailer e mëparshëm kemi parë krijesa, robotë dhe fenomene të çuditshme por ketë herë mund të shohim edhe personazhe të rinj të cilët besojmë se do të kenë role kyç në historinë e kësaj loje.

Atomic Heart vjen nga Mundfish i cili ka punuar më përpara në lojën VR Soviet Lunapark. Edhe pse pas kaq shumë kohësh nuk kemi akoma një datë lançimi, dimë që Atomic Heart do të vijë në konsolet Xbox, PC, Xbox Cloud dhe gjithashtu Xbox Game Pass.