Alan Wake Remastered bëhet leak online

Alan Wake Remastered u shfaq në një faqe taiwaneze me një datë lançimi më 5 tetor 2021. Pa prova përfundimtare, gjithçka që mund të bëjmë tani është ta thellojmë më tej këtë leak, por një i brendshëm i industrisë, Wario64 vuri re se një remaster i lojës horror të preferuar nga fansat thuhet se është shfaqur në Rakuten Taiwan me një lançim në Tetor për PS4, PS5 por e paspecifikuar për Xbox.

Kjo është gjithçka që dimë tani, por nëse është e vërtetë, duhet të marrim konfirmimin zyrtar nga zhvilluesi Remedy herët apo vonë – në fund të fundit, Tetori nuk është aq larg!

Remedy Entertainment konstaton se dy lojëra në këtë projekt të dyfishtë janë duke shkuar shumë mirë. “Unë jam i kënaqur me përparimin që kemi bërë deri më tani në 2021,” tha CEO i Remedy Tero Virtala gjatë prezantimit financiar. “Pozicioni ynë financiar është më i fortë se më parë. Modeli ynë me shumë projekte po zhvillohet vazhdimisht dhe ne po i afrohemi një faze ku mund të lançojmë lojëra të reja më shpesh dhe më rregullisht. Ne jemi në rrugën e duhur për të arritur objektivat tona ambicioze të rritjes afatgjatë.”

Fakti qe Remedy Entertainment po planifikonte një Alan Wake 2 filloi të qarkullonte në internet që kur një reporter Jeff Grubb i tha shikuesve “kam dëgjuar se Remedy do të bëjë Alan Wake 2″, me Epic Games duke vepruar si botues i projektit.

Ajo gjithashtu lidhet me të drejtat e publikimit Remedy të ekskluzivitetit nga Microsoft në 2019, por në atë kohë, studio ishte e zënë me Control, e cila rastësisht shfaqi një zgjerim të plotë të lidhur me Alan Wake.