Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Secili shtet do të ketë ekipin e tij në League of Legends
Riot Games mund të zhvillojë një League of Legends World Cup në të ardhmen, sipas një raportimi nga Tyler “FionnOnFire” Erzberger. Erzberger postoi një tweet ku thoshte se drejtuesit e Riot i kanë thënë se nuk është më një çështje nëse do të ndodhë ose jo një League of Legends World Cup, por një çështje se kur do të ndodhë.
“Është një çështje kur dhe jo nëse do të ketë një League of Legends World Cup,” – tha Erzberger. “Ata duan ta bëjnë këtë gjë siç duhet, por do të duhen disa vite që kjo gjë të ndodhë. Ata e dinë se lojtarët nuk kanë kohë dhe duan ta bëjnë diçka që ja vlen të marrësh pjesë.”
From Riot higher-ups:
— The Esports Writer (@FionnOnFire) November 11, 2019
It's a when and not an if there will be a League of Legends World Cup. They want to do it and do it right, but it'll take time (possibly years) for them to do it. They know the players have a full schedule and want to make it something worth playing in. pic.twitter.com/4lJ01c8pkD
Javën e kaluar, drejtori global i esports i Riot, John Needam, foli gjithashtu nëse një World Cup do të krijohej në League of Legends në një konferencë pëpara finales së Worlds 2019 në Paris. Ai tha se kjo është një çështje që debatohet shpesh brenda stafit dhe që kompania e ka konsideruar, pasi ekipet kombëtare do të kishin fansa shumë të zjarrtë. Ai tha se shpreson që diçka të zbulohet së shpejti.
Fansat e League of Legends kanë vite që kërkojnë që Riot të organizojë një World Cup. Në 2011, një palë e tretë organizoi një event esports të quajtur Sound Blaster Nations Championship me shtatë ekipe kombëtare. Ishte një event i vogël i cili nuk është përsëritur nga Riot.
Një World Cup e bazuar tek shtetet është një format që funksionon mjaft mirë në esports. Overwatch World Cup, StarCraft II Nation Wars dhe PUBG Nations Cup janë shëmbuj shumë të mirë që ky stil turnamenti është diçka që padyshim do të ndiqej nga shumë njerëz. Turnamentet e bazuara tek shtetet janë gjithashtu një mënyrë shumë e mirë për t’i sjellë esports pranë një audience më të madhe, duke qënë se është një format që përdoret në sporte tradicionale, si FIFA World Cup.
Me shumë mundësi nuk duhet të presim një League of Legends World Cup në 2020, por padyshim që ajo do të vijë së shpejti.
