Rainbow Six Siege Esports thyen rekorde në 2020

Rainbow Six Siege ja ka dalë ta vërtetojë veten si online tactical shooter-i më i mirë i gjeneratës së tanishme dhe të gjeneratës së ardhshme me shumë mundësi. Teksa disa komente negative kanë sugjeruar se loja ka humbur atraksionin e saj përgjatë viteve të fundit, shifrat e publikuara nga Ubisoft thonë një histori komplet tjetër.

Sipas një raporti financiar për vitin fiskal të 2020, Rainbow Six Siege vazhdon të sjellë sukses nga të gjitha frontet e saj. Numri i lojtarëve ka kaluar 60 milionë, një rritje me 5 milionë nga tremujori i fundit i saj. Kjo rritje specifike është vënë re mbi të gjitha gjatë muajit të janarit, me shumë mundësi si një reagim ndaj izolimit të shumë vendeve për shkak të COVID-19.

Përtej tyre Rainbow Six Siege është njohur si një nga lojërat me më shumë impakt në pjesën kompetitive të 2020. Ubisoft gjithsesi, nuk përmendi shifra konkrete nga Six Invitational 2020, ku Spacestation Gaming mundi Ninjas in Pyjamas, duke u bërë kampionët e botës në R6S dhe fituesit e pjesës më të madhe të prize pool-it prej $3 milionë.

Rainbow Six Siege është gjithashtu një nga 11 lojërat e Ubisoft, që ka kaluar mbi 10 milionë kopje të shitura në gjeneratën e tanishme të konsolave. Kësaj i bashkohet një rritje në shumën e parave që lojtarët kanë shpenzuar në cosmetics dhe microtransactions. Ja çdo arritje specifike e lojës më poshtë:

• 60 milionë lojtarë të regjistruar
• Më shumë se një miliardë seanca ditore në 2019-2020
• Rekord në nivelet e luajtjes së lojës gjatë janarit, shkurtit dhe marsit
• E renditur si loja e katërt me impaktin më të madh në PC, sipas Esports Observer për tremujorin e parë të 2020ës

Rainbow Six Siege momentalisht po përgatitet për update-in e ardhshëm sezonal të saj, Operation Steel Wave, që pritet të sjellë dy operatorë të rinj nga Norvegjia dhe Afrika e Jugut, një ripunim të hartës House dhe disa balancime nga ana teknike.