Lojtari pro i Fortnite, Kquid, akuzohet se ka përdorur aimbot

Lojtari pro i Fortnite Kai “Kquid” Eaton është akuzuar se ka përdorur aimbot, pasi u bë ban në mes të lojës gjatë javës së parë të FNCS Invitational.

Kquid ja ka dalë goxha mirë në shumë evente të Fortnite, ku kryesorja mund t’i përmendim daljen në vend të pestë në Australian 2020 Summer Smash Open. Gjithsesi, me FNCS Invitational ai nuk qëlloi dhe aq me fat.

Pasi u kualifikua për eventin me disa rezultate impresive, Kquid u bë ban në mes të lojës gjatë javës së parë të eventit, duke i lënë shumë shikues të habitur me atë që kishte ndodhur dhe sigurisht edhe kuriozë.

Tani del që YouTuber-i dhe lojtari i Fortnite, SerpentAU ka thënë një deklaratë kundër tij, duke e akuzuar se po përdorte aim-assist për keyboard dhe mouse në lojën battle royale.

Serpent postoi një video të shkurtër me disa screenshots, ku një pjesë e mirë e tyre tregoin disa nga file-t dhe aplikimet që nevojiteshin për këto hacks të aim assist. Gjithashtu u vu në dukje se disa prej këtyre fileve ishin zbuluar në desktop-in e Kquid gjatë një prej stream-eve të tij të mëparëshme.

Ai i vazhdoi akuzat duke tentuar që të hidhte poshtë disa prej deklaratave të Kquid se kishte probleme me PC e tij, duke thënë se nuk do të bënte sens që një PC që së fundmi është bërë reset të shkaktojë një pezullim të tijin.

Serpent nuk e la me kaq, duke thënë më vonë se ai kishte përdorur aimbot, teksa tregoi disa klipe të atij gjatë turnamenteve.

Pavarësisht akuzave të ngritura kundër Kquid, arsyeja për këtë ban të Fortnite është ende e paqartë. Duke u bazuar në situata të tjera të ngjashme, nuk ka shumë probabilitet që Epic ta bëjë këtë arsye publike.