Garter, lojtari kosovar profesionist i Dota 2, kalon në League of Legends

Ai do të jetë lojtari i parë i Dota 2 që ka si qëllim të bëhet profesionist edhe në League of Legends

Ylli “garter” Ramadani është një prej lojtarëve të parë profesionistë të Dota 2 në Shqipëri dhe Kosovë. Ai filloi karrierën e tij profesioniste në 2007 dhe më pas luajti vazhdimisht në disa ekipe të ndryshme, përfshirë këtu Prodota Gaming dhe Team Leviathan. Pasi luajti me Team MangoBay në 2019, ai vendosi se ishte koha për diçka të re.

Me anë të një postimi në Twitter dhe një tjetri në Reddit, Garter zbuloi se do të tërhiqej nga skena profesionale e Dota 2 dhe do të tentonte të kthehej në një lojtar profesionist në League of Legends.

“Ai që në fakt dukej si një vendim i vështirë është tashmë fare i lehtë,” – thotë Garter. “Ka ardhur një kohë kur nuk ke më arsye pse të luftosh për një sistem të prishur. Dota 2 është një lojë fantastike, ku kam takuar njerëz të jashtëzakonshëm dhe kam kaluar eksperienca të paharrueshme, por ka ardhur koha të heq dorë nga Dota 2 dhe të nis vitin dhe dekadën e re me diçka të re.”

Garter ka patur mundësi të luajë me disa lojtarë shumë të talentuar të cilët kanë arritur gjëra të jashtëzakonshme në Dota 2. Ndër ta janë kampioni i botës Sébastien “Ceb” Debs, trajnerin e OG Titouan “Sockshka” Merloz, por dhe lojtarë të tjerë si Michael “miCKe” Vu, Neta “33” Shapira, and Aydin “iNSaNiA” Sarkohi. Megjithatë, karriera e tij nuk ka ecur në të njëjtën mënyrë.

Ai mbahet mend si një prej lojtarëve kryesorë të Prodota Gaming, por edhe pse kjo organizatë krijoi disa ekipe mjaft të forta, ata gjithsesi nuk arritën në majat e Europës. Që prej largimit nga Prodota Gaming në 2017, Garter ka luajtur për periudha të shkurtra në disa ekipe.

Pas mesazhit të tij të parë, ai më pas dha disa detaje se pse vendosi të largohej nga Dota 2.

“Çdo ekip i një niveli të lartë mund të vjedhë lojtarë në çdo moment nga ekipe të tjera – në mes të sezonit, një ditë para kualifikuese, madje dhe gjatë një eventi,” – tha Garter. “Shëmbulli më i fundit është ekipi i Dendi, i cili fitoi një turnament dhe vetëm një ditë më pas Nongrata u mor nga Team Spirit, duke shkatërruar një ekip me potencial.”

Ai vuri në dukje se ende i pëlqen shumë të luajë, por arena kompetitive ka probleme të shumta, të cilat shfaqen edhe në nivelet më të ulëta të esports. Ai gjithashtu kritikoi sistemin e MMR dhe se si ai funksionon në ranked, pasi lojtarët luajnë me lojtarë të tjerë, të cilët nuk përshtaten me rolet e tyre.

Garter gjithashtu pranoi të ishte pjesë e një interviste të shkurtër nga GameON, ku jep mendimin e tij rreth esports dhe Dota 2 në Shqipëri dhe Kosovë.

• Fillimisht përgëzime për arritjet e tua si nje nga lojtaret e pakët kosovarë dhe shqiptarë që kane arritur në nivel global në esports. Çfare vështirësish ke patur si nje lojtar shqiptar ne Dota 2?
  • Vështërsia në Dota 2 nuk vjen shumë nga nacionaliteti i lojtarëve (përveç ndërprerjeve të internetit dhe energjisë). Shumica e problemeve vjen nga sistemi i lojës dhe jo nga ne si individë.

• Çfarë mendon se duhet të përmirësohet në skenën e esports në Shqipëri dhe Kosovë dhe si mund të përfshihemi më shumë në evente globale?
  • Për mua ka dy gjëra të rëndësishme për të orgnaizuar turnamente ndërkombëtare dhe ballkanike: prizepool dhe marketing i mirë.

• Dy lojtarë kosovarë të CS:GO patën probleme me vizat tashmë që janë bërë pjesë e një organizate globale esports. A ke patur dhe ti probleme të tilla?
  • Kam pas shumë probleme me vizat, por jo sepse nuk mund t’i merrja, por sepse procesi i vizave është shumë i gjatë në Kosovë, pasi duhet të presësh të paktën 20-30 ditë. Kam humbur të paktën 5 evente me prize pool mbi 40,000€ për shkak të vizave.

• Si po të duket League of Legends deri më tani? Çfarë potenciali pe në League of Legends që të shtyu të lije Dota 2 dhe të kaloje në LoL?
  • League për momentin më duket një version më i shpejtë i Dota 2, duke nisur nga spell casting e duke kaluar tek gameplay në përgjithësi. Për sa i përket kontekstit të lojës, dy lojërat janë shumë të ngjashme me njëra tjetrën.

• Mendon se kalimi yt nga Dota 2 në League of Legends do të sjellë ndryshime në Dota 2 esports?
  • Nuk e di sinqerisht në nivel global, ama në nivel individual kam marrë mesazhe nga shumë njerëz, të cilët thonë se janë inspiruar nga lëvizja ime për të marrë dhe ata vendimin për të lënë lojën.

• Çfarë do t’i rekomandoje lojtarëve të esports në Shqipëri dhe Kosovë?
  • Sa i përket Dota, ne si shqiptarë kemi një zakon të keq, që duam të mësojmë çdo gjë për çdo hero. Duhet të fokusoheni vetëm tek gjërat që bëni më mirë dhe të bëheni mjeshtër i tyre.