Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kjo gjë mund të çojë dhe në largimin e tyre nga Team Secret
Flatron “juanflatroo” Halimi dhe Dionis “sinnopsyy” Budeci janë dy prej lojtarëve më të njohur të CS:GO në Kosovë, të cilët tashmë kanë arritur të marrin famë dhe në arenën ndërkombëtare.
Pas sukseseve të tyre të njëpasnjëshme në A1 Adria League, por gjithashtu edhe me m1x në arenën ndërkombëtare, ata tashmë u bënë pjesë e Team Secret, një organizate ndërkombëtare esports mjaft e njohur dhe e suksesshme në mbarë botën.
Së bashku me lojtarin kosovar me pasaportë zviceriane Rigon “RigoN” Gashi, lojtarin polak Filip “tudsoN” Tudev dhe lojtarin izraelit Guy “Anarkez” Trachtman, ata tashmë janë pjesë e ekipit të Team Secret në CS:GO.
Megjithatë, pavarësisht se tashmë ata kanë disa muaj që i kanë nënshkruar kontratat me Team Secret, juanflatroo dhe sinnopsyy po hasin probleme me vizat e tyre, pasi janë shtetas të Kosovës. Ata e kanë të pamundur të marrin pjesë në turnamente ndërkombëtare, duke humbur dy turnamente në Gjermani dhe Kroaci. Probleme të tilla të vazhdueshme do ta detyronin Team Secret të ndërpriste marrëdhëniet me të dy lojtarët, duke i humbur atyre një mundësi të artë drejt suksesit.
Shpresojmë që problemet që këta lojtarë po hasin të arrijnë të zgjidhen nga organet kompetente të Kosovës, pasi të tillë talente nuk duhet të humbasin një mundësi të tillë për arsye që ata nuk i kanë në dorë.
