Astralis shkruajnë historinë duke fituar StarLadder Berlin Major

Ky Major kishte padyshim shumë surpriza

StarLadder Berlin Major 2019 tashmë është mbyllur me Astralis që kanë arritur titullin me një performancë dominante ndaj AVANGAR, duke vendosur gjithashtu dhe një rekord.

Astralis janë sërish në krye dhe gjithashtu janë futur tashmë dhe në librat e historisë. Me fitoren e tyre në Berlin, ata kanë vendosur dy rekorde me tre fitore rradhazi në Major (FACEIT London, IEM Katowice dhe tani StarLadder Berlin) dhe katër në total duke përfshirë këtu ELEAGUE Atlanta.

Astralis e nisi ndeshjen me një rezultat 8-0 në hartën e zgjedhur nga ata, Inferno, duke mos i dhënë aspak hapësirë AVANGAR për të bërë diçka, duke e mbyllur ndeshjen 16-6. Danezët nuk e hoqën asnjëherë këmbën nga gazi as në ndeshjen e dytë, duke marrë një kryesim 7-1 në Dust II dhe duke e ruajtur atë deri në fund. Ndeshja u mbyll me rezultatin final 16-5, që i dha Astralis si fitoren në këtë seri, ashtu edhe trofeun.

Më poshtë keni mundësi të shikoni renditjen përfundimtare të të gjitha ekipeve, si dhe paratë e fituara prej tyre gjatë Berlin Major 2019.

Siç ka ndodhur në thuajse çdo CS:GO Major, tournament-i në Berlin solli gjithashtu shumë surpriza që do të diskutohen gjatë muajve të ardhshëm.

Ekipeve të forta si Team Liquid dhe Team Vitality që iu desh të largoheshin herët gjatë çerekfinaleve të Champions Stage padyshim që janë pjesë e këtij diskutimi, sidomos pas mënyrës në të cilën favoritët e Liquid u mposhtën nga Astralis.

G2 Esports, edhe pse arriti suksesin në League of Legends, i surprizoi për keq fansat e ekipit në CS:GO, pasi ishin 2-3 në Legends Stage dhe nuk arritën të ishin pjesë e Champions.

E fundit por jo për nga rëndësia, mënyra në të cilën FURIA Esports u eleminuan gjithashtu i çuditi fansat, pasi ata ishin 1-3 në Challengers Stage dhe nuk arritën as në Legends.

Tashmë që Berlin Major u mbyll, ekipet duhet të presin deri në pranverën e ardhshme për Major-in e rradhës. Detajet e tij dhe vendndodhja ende nuk janë zbuluar.