Apex Legends ka probleme me cheating, lojtarët duan që Respawn të reagojë

Si me shumicën e lojërave multiplayer në PC, Apex Legends ka hasur vështirësite e saj me hilet. Ky problem u rrit në shkallë vitin e kaluar, por Respawn mori pasa që ti reduktonte hackers. Zhvilluesit filluan ti bënin ban përgjithmonë hardware-it të personave që bënin hile, në mënyrë që të mund të mos krijonin dot më një adresë të re. Zgjidhja funksionoi për një periudhë kohe, por hackers filluan të zbulonin mënyra të reja dhe kjo po sjell sërish një rritje të numrit të hileqarëve në Apex Legends.

CHEATING PO E SHKATËRRON APEX LEGENDS

Në çfarëdolloj ndeshjeje të dhënë në Apex Legends, mbi të gjitha në Ranked, ka një porbabilitet të mirë që do të ketë një hacker prezent. Ata janë fare të lehtë për tu dalluar, pasi nuk çojnë një plumb dëm dhe shpesh lëvizin si bots. Shumica e hileqarëve përdorin aimbot, që i lejon ti eleminojnë lojtarët e tjerë sa hap e mbyll sytë.

Gjithsesi, ka disa hile të tjera që e lejojnë hacker-in të shikojë vendndodhjen e çdo lojtari në hartë. Kjo plus një aimbot dhe praktikisht je i pandalshëm në Apex Legends, pasi realisht nuk mund ti vrasësh këta lojtarë. Ata thjesht futen në një ndeshje Ranked dhe vrasin të gjithë lobby-n.

Sigurisht që Respawn ka një sistem “Report Player” të implementuar, por kjo nuk i kap gjithmonë ata që bëjnë hile. Kjo po i bën lojtarët që të presin më shumë nga ana e Respawn.

Në këto momente e vetmja mënyrë e garantuar që një cheater do bëhet ban është ti dërgosh username-in Respawn, por zhvilluesit jo gjithmonë do shohin çdo postim në Twitter ose Reddit, duke e bërë këtë mënyrë jo shumë efektive.