Twitch nënshkruan marrëveshje milionere me rreperin Logic

Bobby Boy do të bëjë stream në Twitch çdo javë

Rreperi i nominuar për Grammy, Logic nënshkroi një marrëveshje ekskluziviteti me Twitch, zbuloi ai në një intervistë me The Verge. Është marrëveshja e parë e Twitch në llojin e saj me një muzikant.

Logic njoftoi albumin e tij të fundit dhe tërheqjen nga muzika javën e kaluar, duke e lënë atë me shumë kohë për të bërë stream në Twitch, të cilën ai e ka bërë në mënyrë sporadike për vite me radhë.

Si pjesë e stream-it të tij të parë pas shpalljes së marrëveshjes, Logic do të transmetojë albumin e tij të ri, No Pressure, live në Twitch të mërkurën, në 02:00 me orën shqiptare.

“Ky është vendi ku nëse doni të bashkëveproni me mua, ju do ta bëni atë këtu”, tha Logic. “Nuk do të jem në Twitch, duke pasur debate politike. Unë do të jem në Twitch, duke ndihmuar njerëzit pasi të kenë një ditë proteste apo debate politike, të relaksohen dhe të qeshni. Dhe nëse doni të dini se si ndjehem për botën, ju dëgjoni muzikën time.”

Marrëveshja me Twitch thotë se Logic do të bëjë stream çdo javë për disa orë të caktuara, kështu që duket sikur ai do të ketë një prani më të qëndrueshme në platformë sesa në të kaluarën.

“Unë nuk jam ky rreperi, plako,” tha ai. “Unë jam thjesht një nerd. Unë i dua videolojërat. Jam bekuar sa duhet që të kem miliona fansa dhe ndjekës. Pra, është një partneritet i shkëlqyeshëm. Unë do të sjell përdorues rinj në shërbimin e tyre, ata do të sjellin para të reja në llogarinë time bankare, dhe… ahhahah thjesht po tallem.”

No Pressure është vendosur të dalë në treg më 24 korrik.